Wednesday, September 6, 2023
ଜନ୍ମାଷ୍ଟମୀ
ଜନ୍ମାଷ୍ଟମୀ
ଦେବକୀ ତୋତେ ଗର୍ଭରେ ଧରିଲେ
ବସୁଦେବ ତୋତେ ଭରିଲେ ଡଲାରେ
ଏ ପତିତ ଲାଗି କିଆଁ ପହଡ଼ ଉଛୁର
ପତିତପାବନ ଉଡେ ମନ୍ଦିର ଚୁଡାରେ [୧]
ଯଶୋଦା ତୋତେ ଧରିଲେ କୋଳରେ
ରାଧିକା ତୋତେ ଭରିଲେ ଗଳାରେ
ଏ ପତିତ ଲାଗି କିଆଁ ପହଡ଼ ଉଛୁର
ପତିତପାବନ ଉଡେ ମନ୍ଦିର ଚୁଡାରେ[୨]
ଅକୃର ତୋତେ ବାହିନେଲା ରଥରେ
କପିଧ୍ୱଜରେ ବସିଲ କର୍ତବ୍ୟ ଆଳରେ
ଏ ପତିତ ଲାଗି କିଆଁ ପହଡ଼ ଉଛୁର
ପତିତପାବନ ଉଡେ ମନ୍ଦିର ଚୁଡାରେ [୩]
ଦୀନ ସୁଦାମା ଧରିଲା ଖୁଦର ଭଜାରେ
ବାସୁକୀ କାଳୀୟ ଧଇଲା ଶିରରେ
ମୋର ଲାଗି କିଆଁ ପହଡ଼ ପଡିଲା
ମୁଁ ଜନ୍ମ ହେଲି କେଉଁ ବେଳାରେ[୪]
ଦାସ ବଳରାମ ଧରିଲା ବାଲିରେ
ଦଇତା ଭରିଲେ ନନ୍ଦୀଘୋଷରେ
ଏ ପତିତ ଲାଗି କିଆଁ ପହଡ଼ ଉଛୁର
ପତିତପାବନ ଉଡେ ମନ୍ଦିର ଚୁଡାରେ [୫]
ଯମୁନା ତୋତେ ଧରିଲା କୂଳରେ
କଦମ୍ବ ତୋତେ ଧରିଲା ଡାଳରେ
ଏ ପତିତ ଲାଗି କିଆଁ ପହଡ଼ ଉଛୁର
ପତିତପାବନ ଉଡେ ମନ୍ଦିର ଚୁଡାରେ[୬]
ବଂଶୀ ତୋତେ ସ୍ୱରରେ ଭରିଲା
ଯଶୋଦା ତୋତେ ଧରିଲା ସରରେ
ଏ ପତିତ ଲାଗି କିଆଁ ପହଡ଼ ଉଛୁର
ପତିତପାବନ ଉଡେ ମନ୍ଦିର ଚୁଡାରେ[୭]
Subscribe to:
Post Comments (Atom)
No comments:
Post a Comment