ମୋହର ହୃଦୟ ପଦ୍ମରେ ଯେଉଁ ବ୍ରହ୍ମଦାରୁ

ମୋହର ହୃଦୟ ପଦ୍ମରେ ଯେଉଁ ବ୍ରହ୍ମଦାରୁ ସେହି ବୃକ୍ଷ ତଳେ ପ୍ରଶାନ୍ତି ନିଳୟର ଛାଇ ମୋହର ଥକା ମନ ମୂଳରେ ନିଦ୍ରା ଗଲେ ଛନ୍ଦା ପାଦ ହସ୍ତରୁ ବ୍ରହ୍ମାନନ୍ଦ ପ୍ରସାଦ ପାଇ

ମୋର ହୃଦୟ ପଦ୍ମରେ ବ୍ରହ୍ମଦାରୁ

ମୋହର ହୃଦୟ ପଦ୍ମରେ ଯେଉଁ ବ୍ରହ୍ମଦାରୁ ସେହି ବୃକ୍ଷ ତଳେ ପ୍ରଶାନ୍ତି ନିଳୟର ଛାଇ ବ୍ରହ୍ମଦାରୁ ମୂଳରେ ଥକା ମନ ନିଦ୍ରା ଗଲେ ଛନ୍ଦା ପାଦ ହସ୍ତରୁ ବ୍ରହ୍ମାନନ୍ଦ ପ୍ରସାଦ ପାଇ

ନିବୃତି ମାର୍ଗରେ ଚାଲିବାକୁ ସମ୍ପୂର୍ଣ୍ଣ ଅସମର୍ଥ

ନିବୃତି ମାର୍ଗରେ ଚାଲିବାକୁ ସମ୍ପୂର୍ଣ୍ଣ ଅସମର୍ଥ ମୁହିଁ ଅସମର୍ଥ ଜପିବାକୁ ନିରନ୍ତର ହରିନାମ ଅଶରଣ ଶରଣ ଅପଲକ ଚକ୍ଷୁ ଚକାଡୋଳା ଅକର୍ମା ଦାନୀ କୃପାରେ ଭେଟିଲି ସାଇରାମ

ଅତି ବିଭୀଷିକାମୟ ଏହି ମୋର ଜୀବନ

ଅତି ବିଭୀଷିକାମୟ ଏହି ମୋର ଜୀବନ ସଦା ମାଆ ସମାନ ପାଖରେ ସାଇରାମ ଅନେକ ସ୍ଥାନ ମୁଁ ପାଦରେ ଭ୍ରମଣ କଲି ପ୍ରଶାନ୍ତି ନିଳୟ ସମ କାହିଁ ନାହିଁ ଆରାମ

ଅନନ୍ତ କୋଟି

ଅନନ୍ତ କୋଟି ବ୍ରହ୍ମାଣ୍ଡ ଅପଲକରେ ଭେଟ ହେଲେ ସର୍ବ ଅଙ୍ଗ ପଲ୍ଲବିତ ଅନନ୍ତ ସୁଖ ମହୋଦଧି ଛନ୍ଦା ଚରଣ କରାଞ୍ଜୁଳି ସ୍ପର୍ଶରେ ଆତ୍ମା ଉଲ୍ଲାସିତ

ବ୍ରହ୍ମାନନ୍ଦ ଉଛୁଳା କଳା ଧଳା ଦୁଇ ଚକାଡୋଳା

ବ୍ରହ୍ମାନନ୍ଦ ଉଛୁଳା କଳା ଧଳା ଦୁଇ ଚକାଡୋଳା ଯୋଗୀଜନ ଚକ୍ଷୁକୁ ବଂଶୀ ବଦନ କମଳ ଆଖି ଶ୍ରୀନାଥ ଶ୍ରୀହୃଦ ଶ୍ରୀ ସେବିତ ସଦା ଶଙ୍କର ଧ୍ୟାନ ଛନ୍ଦା ଚରଣରେ ବସା ବାନ୍ଧିଲା ଏହି ପ୍ରାଣପକ୍ଷୀ

ବାସ ଚାଉଳରେ କ୍ଷୀରି ଭାରି ସୁସ୍ୱାଦୁ

ବାସ ଚାଉଳରେ କ୍ଷୀରି ଭାରି ସୁସ୍ୱାଦୁ ଜୀବନ ଚିନିକୁ ନ ପାଏ ଖୋଜି ଖୋଜି ଚନ୍ଦନ ଚର୍ଚ୍ଚିତ ଚକାଡୋଳା ସର୍ବ ଆତ୍ମା ବ୍ରହ୍ମାନନ୍ଦ ହୃଦରେ ସ୍ମର ଆଖି ବୁଜି ବୁଜି

ନାମ ସଂକୀର୍ତ୍ତନ ତୋହର ଅତି ପ୍ରିୟ

ନାମ ସଂକୀର୍ତ୍ତନ ତୋହର ଅତି ପ୍ରିୟ କୀର୍ତ୍ତନ ସ୍ଥଳରେ ନାଚୁ ଥେଇ ଥେଇ ଭୂମିରେ ଲୋଟଇ କୃଷ୍ଣ ଉତ୍ତରୀୟ ଏହି ପ୍ରାଣ ବ୍ୟାକୁଳ ସାଉଁଟିବା ପାଇଁ

ଅଙ୍ଗୁଳି ପ୍ରମାଣରେ ଜ୍ଞାନ ପୁରୁଷ ବାମନ

ଅଙ୍ଗୁଳି ପ୍ରମାଣରେ ଜ୍ଞାନ ପୁରୁଷ ବାମନ ଶରଦ ଆକାଶ ନୀଳ ନିର୍ମଳ ଶାଳଗ୍ରାମ ସକଳ ହୃଦୟରେ ପ୍ରାଣ ମୋହନ ବଂଶୀ ଆରତ୍ତ ନାଶନ ଦୟାସିନ୍ଧୁ ଓଁ ସାଇରାମ

ଉଦାର ଚକାଡୋଳା ହେଲା ଅଭୁଲା ମଧୁର ସ୍ମୃତି

ଉଦାର ଚକାଡୋଳା ହେଲା ଅଭୁଲା ମଧୁର ସ୍ମୃତି ଯୋଗୀ ହୃଦ କମଳ ସଦା ଝୁରଇ ଯା ଛନ୍ଦାପାଦ ରାଧା ରାଣୀ ବୋଲଇ ଅମୃତଠାରୁ କୃଷ୍ଣ ମଧୁର କର୍ଣ୍ଣରେ ଶୁଣି ପ୍ରାଣ କାନ୍ଦେ ଥରେ ଲଭନ୍ତା ସ୍ୱାଦ

ତାଙ୍କ ଚକାଡୋଳାଙ୍କୁ ଆଉ ଚାହାଁନା

ତାଙ୍କ ଚକାଡୋଳାଙ୍କୁ ଆଉ ଚାହାଁନା ଚଞ୍ଚଳ ମନ ତୋ ହୋଇଯିବ ଧୀର ଧୀର ହୋଇଯିବ କାମନା ବାସନା ଆତ୍ମା କହିବ ଛୁଇଁବି ଛନ୍ଦା ପୟର 🙏🙏🙏

କେବଳ ଶ୍ରୀମନ୍ଦିର ଚୂଡ଼ା ନୀଳଚକ୍ରରେ

କେବଳ ଶ୍ରୀମନ୍ଦିର ଚୂଡ଼ା ନୀଳଚକ୍ରରେ ଉଡୁଛି ଫର ଫର ପତିତପାବନ ବାନା କେବଳ ଚକାଡ଼ୋଳା ନୟନ ଅପଲକ ଉଛୁଳି କୃପା ବହି ଯାଉଅଛି ଅନା ଅନା

ମରିଗଲେ ମରିବ ସିନା ଏହି ମାଟିର ଦେହ

ମରିଗଲେ ମରିବ ସିନା ଏହି ମାଟିର ଦେହ ତୁଟିଲେ ତୁଟିବ ସକଳ ମାୟା ଆଉ ମୋହ ତୁହି ମୋର ଆତ୍ମା ଏହି ସର୍ବଦା ଭାବ ଥାଉ ହେ କୃଷ୍ଣ ଏତେ ଆଉ ଆପଣାର କିଏ କହ

ସରସିଜନାଭ ସହୋଦରୀ ତୁମେ ଦୁର୍ଗା

ସରସିଜନାଭ ସହୋଦରୀ ତୁମେ ଦୁର୍ଗା ସର୍ବ ଜନନୀ ଶ୍ରୀକ୍ଷେତ୍ର କମଳା ନଣନ୍ଦ ଦେବଦଳନ ରଥାରୁଢା ତୁମେ ସୁଭଦ୍ରା ସର୍ବ ଶତ୍ରୁ ବିନାଶିନୀ ତାରିଣୀ ଆନନ୍ଦ

ଭାବିଥିଲି ଅତିବ କୋମଳ ହୋଇଥିବ ହୃଦୟ

ଭାବିଥିଲି ଅତିବ କୋମଳ ହୋଇଥିବ ହୃଦୟ ମାଆ ମୋହର କମଳ ବାସିନୀ ନାମ କମଳା ଲୋଡ଼ା ନାହିଁ ମୋହର ଧର୍ମ ଅର୍ଥ କାମ ମୋକ୍ଷ ମାଆ ଗୋ ନୟନ ପଥେ ଥାଆନ୍ତୁ ଚକାଡୋଳା

ଚକାଡୋଳା ହେ ତୁମ୍ଭେ ପଞ୍ଚ ଭୁତର ଦୃଢ଼ ଆଲିଙ୍ଗନ

ଚକାଡୋଳା ହେ ତୁମ୍ଭେ ପଞ୍ଚ ଭୁତର ଦୃଢ଼ ଆଲିଙ୍ଗନ ସତ୍ୟ ଧର୍ମ ଦୟା କ୍ଷମା ଶାନ୍ତି ପ୍ରେମର ଗୋଲକ ଧାମ ହେ ବ୍ରହ୍ମଦାରୁ ତୁମ୍ଭେ ସଚରାଚର ଜୀବ ହୃଦୟ ସ୍ପନ୍ଦନ ଦଶ ଅବତାର ଚାରିବେଦ ଜାନକୀ ହୃଦୟ ଶ୍ରୀରାମ

ତୁମ୍ଭ ଚକାଡୋଳା ଅପଲକ ସବୁ ଦେଖଇ

ତୁମ୍ଭ ଚକାଡୋଳା ଅପଲକ ସବୁ ଦେଖଇ ଦଣ୍ଡିବା ଶକତି ଥାଇଣ ତୁମ୍ଭେ କ୍ଷମା ସିନ୍ଧୁ ତୁମ୍ଭ ଅଧାଗଢା ଦାରୁବ୍ରହ୍ମ ସବୁରି ହୃଦରେ ଭେଟ ପାଇଲିନି ଦିନ ସରେ କାନ୍ଦୁ କାନ୍ଦୁ

ମାୟା ମମତା ଡୋରିରେ ବାନ୍ଧି ଅଖିଳ ନିଖିଳ ପିଣ୍ଡ ବ୍ରହ୍ମାଣ୍ଡ

ମାୟା ମମତା ଡୋରିରେ ବାନ୍ଧି ଅଖିଳ ନିଖିଳ ପିଣ୍ଡ ବ୍ରହ୍ମାଣ୍ଡ ବାସୁକୀ ଫଣା ଛାୟାରେ କରିଲେ ଅନନ୍ତ ଅପଲକ ଶୟନ ଶ୍ରୀକ୍ଷେତ୍ର ଆତ୍ମା ଡୋରିରେ ଭିଡି ଶରଣ ଅଶରଣ ପରାଣ ବିଶାଳ ବକ୍ଷରେ ଆଲିଙ୍ଗନ କଲେ ବ୍ରହ୍ମଦାରୁ ଚକା ନୟନ

ବ୍ରହ୍ମଦାରୁ ଅପଲକ ନୟନ କୋଣରେ

ବ୍ରହ୍ମଦାରୁ ଅପଲକ ନୟନ କୋଣରେ ଯେତେ ଦୟା ସମ ନୁହେଁ କେହି ଜଣେ ଚକାଡୋଳା ତୁଳସୀ ବକ୍ଷର ଉଦାରତା ଚିତ୍ତେ ଗୁଣି ପରମ ଭାଗ୍ୟବାନ ମଣେ

ନମଃ ନମୋ ଗରୁଡ ଆସନ ନମଃ ନମୋ ଶେଷ ନାଗ ଶୟନ

ନମଃ ନମୋ ଗରୁଡ ଆସନ ନମଃ ନମୋ ଶେଷ ନାଗ ଶୟନ ନୀଳ ମେଘ ପୀତବାସ ଘନ ଗମ୍ଭୀର ଉଦାର କୋମଳ ବଚନ ନମଃ ନମୋ ରୁକ୍ମଣୀ ହୃଦ ନମଃ ନମୋ ବୈଷ୍ଣବ ହୃଦ ମନ୍ଦାର କମ୍ଭୁ ଚକ୍ର ପଦ୍ମ ଗଦା ପାଣି ବ୍ରହ୍ମଦାରୁ ନାରାୟଣ କମଳ ନୟନ

କିଏ ସମ୍ବୋଧେ ତୁମ୍ଭଙ୍କୁ ଦେବତା ବୋଲି

କିଏ ସମ୍ବୋଧେ ତୁମ୍ଭଙ୍କୁ ଦେବତା ବୋଲି ଚକାଡୋଳା ତୁମ୍ଭେ ମୋହର ଆତ୍ମାବନ୍ଧୁ ଛନ୍ଦା ଚରଣ ସ୍ପର୍ଶ ପାଇଥିଲେ ତରିଯାନ୍ତି ଅପଲକ ଉଦାର ଦିନ ସରେ କାନ୍ଦୁ କାନ୍ଦୁ

ବୈକୁଣ୍ଠ ଶୋଭା ମାଆ ମହାଲକ୍ଷ୍ମୀ

ବୈକୁଣ୍ଠ ଶୋଭା ମାଆ ମହାଲକ୍ଷ୍ମୀ ମାଆ ମହାଲକ୍ଷ୍ମୀ ବିଷ୍ଣୁ ପାଟରାଣୀ ବିଷ୍ଣୁ ବକ୍ଷ ତୁଳସୀ ମା ମହାଲକ୍ଷ୍ମୀ ମାଆ ମହାଲକ୍ଷ୍ମୀ କରୁଣା ଛାଉଣୀ

ଯାହାର ହୃଦୟରେ ଛନ୍ଦା ଚରଣ

ଯାହାର ହୃଦୟରେ ଛନ୍ଦା ଚରଣ ତାହାର କିବା କରେ ଆଶା ଫାସ ଯାହାର ଶିରରେ ଗୋବିନ୍ଦ କର ବ୍ରହ୍ମଦାରୁରେ ନିତ୍ୟ କରେ ବାସ

ନିଜ ଅନୁଭବ ହିଁ ମୋର ଗୁରୁ

ନିଜ ଅନୁଭବ ହିଁ ମୋର ଗୁରୁ କୃଷ୍ଣଲୀଳା ଆତ୍ମା ହିତ ବିଷୟ ହରିନାମ ସ୍ମରଣ ତାରକ ମନ୍ତ୍ର ଛନ୍ଦା ଚରଣ ପରମ ଆଶ୍ରୟ

ନାରାୟଣ ଜଗନ୍ନାଥ

ନାରାୟଣ ଜଗନ୍ନାଥ ବାସୁଦେବ ସାଇରାମ ଚକାଡୋଳା ଦାରୁବ୍ରହ୍ମ ହୃଷିକେଶ ଆତ୍ମାରାମ

ତୁମ୍ଭେ ଭକ୍ତି ହେ ଗୋବିନ୍ଦ

ତୁମ୍ଭେ ଭକ୍ତି ହେ ଗୋବିନ୍ଦ ହେ ଗୋବିନ୍ଦ ତୁମ୍ଭେ ଶ୍ରଦ୍ଧା ତୁମ୍ଭେ ନିଷ୍କାମ କର୍ମ ଫଳ ବୈଷ୍ଣବକୁ ଅଶେଷ ସୁଧା

କୃଷ୍ଣ କୃଷ୍ଣ ହେ ତୁମ୍ଭେ ମୋହର ଦିବସ ରଜନୀ

କୃଷ୍ଣ କୃଷ୍ଣ ହେ ତୁମ୍ଭେ ମୋହର ଦିବସ ରଜନୀ ଜାଗ୍ରତ ଶୟନ ସ୍ୱପନ ସୁଷୁପ୍ତି ସକଳ ଅନୁଭବ କୃଷ୍ଣ କୃଷ୍ଣ ହେ କେତେ ଖୋଜେ ଛନ୍ଦା ଚରଣ ଏହି ଅଭାଗାକୁ ଦର୍ଶନ ସ୍ପର୍ଶ ସମ୍ଭାଷଣ ଦୁର୍ଲଭ

ଗୋବିନ୍ଦ ଅକର୍ମା ଦାନୀ ଗୋବିନ୍ଦ ଅଶରଣ ଶରଣ

ଗୋବିନ୍ଦ ଅକର୍ମା ଦାନୀ ଗୋବିନ୍ଦ ଅଶରଣ ଶରଣ ଗୋବିନ୍ଦ ଅଯାଚିତ କୃପା ହରେ ଭଵ ସକଳ ମାୟା ଗୋବିନ୍ଦ ବିଷ୍ଣୁ ଭକ୍ତ ଗୋବିନ୍ଦ ସତସଙ୍ଗ ସଂକୀର୍ତ୍ତନ କେବଳ ଗୋବିନ୍ଦ କୃପାରେ ସୁଲଭ ବ୍ରହ୍ମଦାରୁ ଛାୟା

କେଉଁଠାରେ ମୋହର ଆତ୍ମା

କେଉଁଠାରେ ମୋହର ଆତ୍ମା କାହିଁ ଚର୍ମ ଚକ୍ଷୁକୁ ଦିଶୁ ନାହିଁ ସର୍ବତ୍ର ବିଷ୍ଣୁ ମୋହିନୀ ମାୟା ଛନ୍ଦା ପାଦ ହୃଦେ ଅଛି ଧ୍ୟାୟି

ସଦା ସଦା କଲ୍ୟାଣୀ କ୍ଷୀର ସାଗର ତନୟା କନ୍ୟକେ

ସଦା ସଦା କଲ୍ୟାଣୀ କ୍ଷୀର ସାଗର ତନୟା କନ୍ୟକେ ସଦା ସଦା ନାରାୟଣ ସମାନ କୋମଳ ତୁମ୍ଭର ହୃଦୟ ସଦା ସଦା ଶାନ୍ତା ବିଷ୍ଣୁ ନିଳୟ ନିବାସିନୀ ନୃସିଂହ ଲକ୍ଷ୍ମୀ ସଦା ସଦା ସ୍ମରେ ଛୁଅଁନ୍ତି ଛନ୍ଦା ପାଦ ହୁଅ ମାଆ ସଦୟ

ଜନ୍ମ ମୄତ୍ୟୁ ଆବୃତ୍ତିରୁ ନିବୃତ୍ତ ହୋଇଲେ ଜୀବର ଆତ୍ମା

ଜନ୍ମ ମୄତ୍ୟୁ ଆବୃତ୍ତିରୁ ନିବୃତ୍ତ ହୋଇଲେ ଜୀବର ଆତ୍ମା ଅନନ୍ତ ସୁଖ ଲଭେ ଶ୍ରୀମନ୍ଦିର ଦ୍ୱାରରେ ହୋଇଣ ରକ୍ଷୀ କମଳା ସେବିତ ଶ୍ରୀହରି ପାଦ କଠଉ ହୃଦରେ ସଜାଏ ଶ୍ୱେତପଦ୍ମ ଚକାଡୋଳାରେ ପ୍ରହରା ଦିଅଇ ପ୍ରାଣ ପକ୍ଷୀ

ଏଠି ସେଠି ନାରାୟଣ ସବୁଠି ରହିଛନ୍ତି

ଏଠି ସେଠି ନାରାୟଣ ସବୁଠି ରହିଛନ୍ତି ଅଖିଳ ବ୍ରହ୍ମାଣ୍ଡ ସୃଷ୍ଟି ସ୍ଥିତି ଲୟ କାରଣ କ୍ଷଣ ଅନୁକ୍ଷଣ ବୈଷ୍ଣବ ପ୍ରହଲ୍ଲାଦ ସ୍ମରେ ମାଆ କମଳା ସେବିତ ଶ୍ରୀରଙ୍ଗା ଚରଣ

ହେ କୃଷ୍ଣ ହେ କୃଷ୍ଣ କୃଷ୍ଣ କୃଷ୍ଣ ହେ କୃଷ୍ଣ କୃଷ୍ଣ

ହେ କୃଷ୍ଣ ହେ କୃଷ୍ଣ କୃଷ୍ଣ କୃଷ୍ଣ ହେ କୃଷ୍ଣ କୃଷ୍ଣ ଯେତେ ଶୀଘ୍ର ପାର ବଢ଼ା ଛନ୍ଦା ପାଦ ତୋର ସଂସାର ନଦୀରେ ମୋ କର୍ମ କୁମ୍ଭୀର ଧରିଛି ତ୍ରାହି କୃଷ୍ଣ ତ୍ରାହି କୃଷ୍ଣ ତ୍ରାହି କୃଷ୍ଣ ବଂଶୀଧର

ଛନ୍ଦି ବାନ୍ଧି ପକା ଏଗାର ଇନ୍ଦ୍ରିୟ

ଛନ୍ଦି ବାନ୍ଧି ପକା ଏଗାର ଇନ୍ଦ୍ରିୟ କିଳି ପକା ନବ ଦ୍ୱାର ମୋହର ପାଗଳା ମନରେ ଚିନ୍ତା କରନା କାହାର ମନ୍ଦ ହୃଦୟ ପଦ୍ମରେ ଅନନ୍ତ ଶୟନ ଅପଲକ ଚକାଡୋଳା ଅଖିଳ ବ୍ରହ୍ମାଣ୍ଡ ଜନନୀ କମଳା ସେବୁଛନ୍ତି ପଦ୍ମ ପାଦ

ଦେହ ସଵାରୀରେ ରାଧା ରାଣୀ କନିଆଁ

ଦେହ ସଵାରୀରେ ରାଧା ରାଣୀ କନିଆଁ ହୃଦ ପାଲିଙ୍କିରେ କୃଷ୍ଣ ବର ଛନ ଛନିଆଁ ତୁଣ୍ଡ ବୋଲେ ହରେ କୃଷ୍ଣ ହରେ ରାମ କେଡେ ମଧୁମୟ ଏ ରୋସଣି ଦୁନିଆଁ

ଜନନୀ ତୁହି ମହା ନାରାୟଣୀ ଜନନୀ ମହାବୈଷ୍ଣବୀ

ଜନନୀ ତୁହି ମହା ନାରାୟଣୀ ଜନନୀ ମହାବୈଷ୍ଣବୀ ମହାବିଷ୍ଣୁ ପାଟରାଣୀଙ୍କର ଅନ୍ତରଙ୍ଗ ଅଲିଅଳି ନଣନ୍ଦ ତୁହି ଗୋବିନ୍ଦ ବଳଦେବଙ୍କର ଅଲିଅଳି ସହୋଦରୀ କାଳିଦଳା ଛନ୍ଦା ପାଦ ଲଭୁ ଶିର ମୋତେ ବ୍ରହ୍ମାନନ୍ଦ

ଜରା ରୋଗ ପାପରେ ପୂର୍ଣ୍ଣ ଏହି ଶରୀର

ଜରା ରୋଗ ପାପରେ ପୂର୍ଣ୍ଣ ଏହି ଶରୀର ନିବୃତ୍ତି ପଥରେ ଝୁଣ୍ଟି ପଡଇ ଚଞ୍ଚଳ ମନ ତୁହି ଅକର୍ମା ଦାନୀ ଦୟାଘନ ହେ କୃଷ୍ଣ ଛନ୍ଦା ପାଦରେ ଶରଣ ଦିଅ ମଧୁସୂଦନ

କୁକର୍ମ ଫଳରେ କୁସଙ୍ଗ

କୁକର୍ମ ଫଳରେ କୁସଙ୍ଗ କୁସଙ୍ଗ ସଙ୍ଗରେ କୁପଥ କୁପଥ ଯାତ୍ରା ଯମାଳୟ ଭେଟ ନୁହେଁ ରାଧା ନାଥ

ମାଆ ଗୋ ସୁଭଦ୍ରା ଦୁର୍ଗତିନାଶିନୀ ଦୁର୍ଗା ତାରିଣୀ

ମାଆ ଗୋ ସୁଭଦ୍ରା ଦୁର୍ଗତିନାଶିନୀ ଦୁର୍ଗା ତାରିଣୀ ତୋ ଭାଉଜ କମଳା ସେବିତ ପାଦରେ ମୋ ଚିତ୍ତ ମାଆ ଗୋ ମହା ବୈଷ୍ଣବୀ ତୋ ଭାଉଜଙ୍କୁ କହିବୁ ଥରୁଟେ କେବଳ ଛୁଇଁବି ଛନ୍ଦା ପାଦ ଆତ୍ମା ସେତ

ପିତା ନାମ ମୋର ଜଗନ୍ନାଥ

ପିତା ନାମ ମୋର ଜଗନ୍ନାଥ ମାତା ନାମ ମୋହର କମଳା ସମ୍ପଦ ବିପଦେ ଛନ୍ଦା ଚରଣ ଅର୍ଦ୍ଧନାରୀଶ୍ୱର ଚକାଡୋଳା

ଚକାଡୋଳାଙ୍କୁ ଦେବତା ବୋଲି ଭାବି ପୂଜିଲି

ଚକାଡୋଳାଙ୍କୁ ଦେବତା ବୋଲି ଭାବି ପୂଜିଲି କେବଳ ସ୍ୱପ୍ନରେ ପାଇଲି ତାଙ୍କ ଦର୍ଶନ କିଞ୍ଚିତ ବୈଷ୍ଣବ ଠାବ କଲେ ତାଙ୍କୁ ନବଧା ଭକ୍ତିରେ ସାଧି ନ ପାରିଲି ଚାଖି ନ ପାରିଲି ପାଦ ଅମୃତ

ଦ୍ୱାର ଦ୍ୱାର କରି ନବ ଦ୍ୱାର ଏହି ମୋହର ଦେହ

ଦ୍ୱାର ଦ୍ୱାର କରି ନବ ଦ୍ୱାର ଏହି ମୋହର ଦେହ ତନ୍ନ ତନ୍ନ ଖୋଜିଲି ନ ଭେଟିଲି କେଉଁଠି ଦେହୀ ଜଣ ଜଣ କରିଣ ଏଗାର ଜଣ ଇନ୍ଦ୍ରିୟ ଦେହରେ ଆତ୍ମାକୁ ଜଣେବି ଚିହ୍ନି କେହି ନ ପାରିଲେ କେହି

ମଦୁଆମାନେ ପୋଷନ୍ତି ସରକାରକୁ

ମଦୁଆମାନେ ପୋଷନ୍ତି ସରକାରକୁ ସରକାର ଦିଅନ୍ତି ଟଙ୍କାକିଆ ଚାଉଳ ଘଇତା ପିଇ ପିଇ ମଲେ ମରିଯାଉ ବିଧବା ଭତା ମିଳିବ ଲୋ ବଉଳ

କିବା ତାଙ୍କର ପ୍ରକୃତ ପରିଚୟ

କିବା ତାଙ୍କର ପ୍ରକୃତ ପରିଚୟ ଚିତ୍ତ ଚୋରା ସୁଭଦ୍ରା ବାମରେ ଧାମ ଗୋଟିଏକୁ ନାମ ଗୋଟିଏ ଚିତ୍ତ ମୋ ରହିଲା ଦାରୁବ୍ରହ୍ମରେ

ସତରେ କିବା ସତ ହୋଇବ ଦିବା ସ୍ବପ୍ନ ମୋର

ସତରେ କିବା ସତ ହୋଇବ ଦିବା ସ୍ବପ୍ନ ମୋର ଏହି ବେନି ଚର୍ମ ନୟନ ଭେଟିବେ ପରାଣ ମିତ କାଳି ଦଳା ଛନ୍ଦା ପାଦରେ ହୋଇବ ପୁଷ୍ପାଞ୍ଜଳି ଭକ୍ତିରସ ହୀନ ଅନାବନା ଏ ଚାରି ଧାଡି ଗୀତ

କିବା ତାଙ୍କର ପ୍ରକୃତ ପରିଚୟ

କିବା ତାଙ୍କର ପ୍ରକୃତ ପରିଚୟ ଯିଏ ଶୋଭା ସୁଭଦ୍ରା ବାମରେ ଧାମ ଗୋଟିଏକୁ ନାମ ଗୋଟିଏ ଚିତ୍ତ ମୋ ରହିଲା ଦାରୁବ୍ରହ୍ମରେ

ଏହି ଶରୀର ନିଶ୍ଚୟ ତୋତେ ଛାଡ଼ିଯିବ କର୍ମ ଫଳରେ

ଏହି ଶରୀର ନିଶ୍ଚୟ ତୋତେ ଛାଡ଼ିଯିବ କର୍ମ ଫଳରେ ବାଇଆ ମନ ପାଗଳା ମନ ଏଡ଼େ କିଆଁ ଲଗାଉ ଭାଵ ଓଲଟ ଅଶ୍ୱତ୍ଥ ବୃକ୍ଷ ମୂଳରେ ଲୟ ଲଗା ଛନ୍ଦା ଚରଣ ହୃଦୟ ପଦ୍ମରେ ଭେଟିବୁ ଆତ୍ମା ବଂଶୀଧର ବାସୁଦେବ

ଜନନୀ ଗୋ ମହାଲକ୍ଷ୍ମୀ ମାଆ କୃଷ୍ଣ ସହୋଦରୀ

ଜନନୀ ଗୋ ମହାଲକ୍ଷ୍ମୀ ମାଆ କୃଷ୍ଣ ସହୋଦରୀ ଜୀବନ ବିଷ୍ଣୁ ମୋହିନୀ ମାୟାରେ ଗଲି ବୋହିତ ନଣନ୍ଦ ଭାଉଜଙ୍କ ଦ୍ୱାରରେ ବିକଳେ ମଥା ପିଟୁଛି ଥରେ ଛନ୍ଦା ପାଦ ଛୁଆଁଅ ଦିଅନ୍ତୁ କରୁଣା ବହିତ

ଯାହାଙ୍କୁ ମୁଁହି ଦେଖିଲି ଗରୁଡ ପଛରୁ

ଯାହାଙ୍କୁ ମୁଁହି ଦେଖିଲି ଗରୁଡ ପଛରୁ ସଜନୀରେ ସେହି କିବା ଜୀବ ନାହା ପିଲାଟି ବେଳୁ କେତେ ଭରସି ଅଛି ପିଣ୍ଡେ ପ୍ରାଣଥାଉ କହିବେକି ଆହାଃ

ଛନ୍ଦା ଚରଣରେ ନ ରହେ ମୋ ଧ୍ୟାନ

ଛନ୍ଦା ଚରଣରେ ନ ରହେ ମୋ ଧ୍ୟାନ ମନଟି ବୁଲୁଥାଏ ଆଖି କାନ ପଛରେ ଅଧାଗଢା ଅପଲକ ଠାରକୁ ଭରସା ନିତି ପାଣି ଢାଳଇ ତୁଳସୀ ଗଛରେ

ଆଖି ଯାହା ଦେଖିଲା କାନ ଯାହା ଶୁଣିଲା

ଆଖି ଯାହା ଦେଖିଲା କାନ ଯାହା ଶୁଣିଲା ଏହି ମନ ତାଙ୍କରି କଥାରେ ଗଲାଟି ଭାସି କେହି ଜଣେ ଚିନ୍ତିଲେ ନାହିଁ ଆତ୍ମାର ହିତ ସ୍ଵତ୍ତ୍ୱ ବାସୁଦେବ ଚରଣରେ ଅଛଇ ବସି