ଶ୍ରୀଗୋବିନ୍ଦଙ୍କ ଦର୍ଶନ ସ୍ପର୍ଶ ସମ୍ଭାଷଣ

ଶ୍ରୀଗୋବିନ୍ଦଙ୍କ ଦର୍ଶନ ସ୍ପର୍ଶ ସମ୍ଭାଷଣ ତିନିହେଁ ହେଲେ ମୋତେ ସାତ ସପନ ଚକାଡ଼ୋଳାରେ ମୋ ଆତ୍ମାକୁ ଥୋଇଛି ପାଦେ ଶରଣ ଦେବେ ଦେବକୀ ନନ୍ଦନ

ସେହି ବୈଷ୍ଣବ ପାଦରେ କୋଟିଏ ପ୍ରଣାମ

ସେହି ବୈଷ୍ଣବ ପାଦରେ କୋଟିଏ ପ୍ରଣାମ ଯାହାକୁ ପୂଜା ବେଦିରେ ଭେଟ କମଳା ପତି ନାମ ରୂପ ଲୀଳା ହୃଦୟରେ ମୋ ନିରନ୍ତର ସତେ ଏହି ଜୀବନ ଲଭିବ କି ଶରଣାଗତି

ତୁମ୍ଭେ ଅବତରିଲେ ନର ନାରାୟଣ ହୋଇ

ତୁମ୍ଭେ ଅବତରିଲେ ନର ନାରାୟଣ ହୋଇ ବସୁଧା ହୁଏ ଚନ୍ଦନ ଅର୍ଗଳୀ ପ୍ରଶାନ୍ତି ନିଳୟ ଯେଣେ ଚାହିଁଲେ ତେଣେ କୃଷ୍ଣ ବାସୁଦେବ ପ୍ରତି ଭକ୍ତର ହୁଦୟ କମଳ କମଳା ଆଳୟ

ଚକ୍ଷୁକୁ ଦିଶେନା ଭକ୍ତର ଭକ୍ତି

ଚକ୍ଷୁକୁ ଦିଶେନା ଭକ୍ତର ଭକ୍ତି ପ୍ରେମ ଅନ୍ତକରଣରୁ ସମର୍ପିତ ନିର୍ମଳ ହୃଦୟ ଚନ୍ଦନ ଅର୍ଗଳୀ ନିତ୍ୟ ବାସ ଶ୍ରୀପତି ଜଗନ୍ନାଥ

ଶ୍ରୀରାମ ଶ୍ରୀକୃଷ୍ଣ ବାସୁଦେବ

ଶ୍ରୀରାମ ଶ୍ରୀକୃଷ୍ଣ ବାସୁଦେବ ନର ଦେହରେ ନୁହେଁ ଭେଟ ଗୁରୁ ବଚନକୁ ସଦା ମନ ଚିନ୍ତ ଆତ୍ମା ପାଉ ବୈକୁଣ୍ଠକୁ ବାଟ

ଶଙ୍କର ଉନ୍ମତ ହେଲେ ରାମ ନାମ ମଦ ପିଇ

ଶଙ୍କର ଉନ୍ମତ ହେଲେ ରାମ ନାମ ମଦ ପିଇ ପବନ ସୁତ ସମାନ ରାମ ରୂପକୁ ହୃଦେ ଧ୍ୟାୟି ଶଶ୍ମାନରେ ନିରନ୍ତର ପିଇଲେ ରାମ ନାମ ସୁଧା ବାମ ଜାନୁ ଉପରେ ମାଆ ପାର୍ବତୀଙ୍କୁ ଥୋଇ

ଶ୍ରୀରାମ ସୀତା ଲୀଳା କଥା ଅମୃତ ସମୁଦ୍ର

ଶ୍ରୀରାମ ସୀତା ଲୀଳା କଥା ଅମୃତ ସମୁଦ୍ର ଗଭୀରତା ମାପିବାକୁ ଗରୁଡ ହେଲେ ବାଇ ଶିବ କହନ୍ତି ଗରୁଡ କାକ ଭୂଷଣ୍ଡ ସଙ୍ଗ ହୁଅ ଶ୍ରୀରାମ ସୀତା ହିଁ ପରବ୍ରହ୍ମ ଦାରୁବ୍ରହ୍ମ ଛାଇ

ଯେଉଁଠି ବିଜ୍ଞାନର ଶେଷ

ଯେଉଁଠି ବିଜ୍ଞାନର ଶେଷ ସେହିଠାରେ ଜ୍ଞାନ ଆରମ୍ଭ ଯେଉଁଠି ସର୍ବଜ୍ଞ ଜଗନ୍ନାଥ ସେହିଠାରୁ ବିଶ୍ୱର ପ୍ରାରମ୍ଭ

ତୁହି ଚୈତ୍ର ମାସ ମଲ୍ଲି ମାଳା ହେ ରାମ

ତୁହି ଚୈତ୍ର ମାସ ମଲ୍ଲି ମାଳା ହେ ରାମ ବୈଶାଖ ରୋଦ୍ରରେ ପକ୍ଵ ରସାଳ ଆମ୍ବ ତୁହି ଆଷାଢ ଦ୍ଵିତୀୟା ନନ୍ଦୀଘୋଷ ରଥ ବ୍ରହ୍ମଦାରୁ କୋରଡରେ ପରମ ହଂସ ଡିମ୍ବ

ଉଷା କାଳରେ ଚିନ୍ତିବୁ ବିଷ୍ଣୁ ସହିତ କମଳା

ଉଷା କାଳରେ ଚିନ୍ତିବୁ ବିଷ୍ଣୁ ସହିତ କମଳା ପରିକ୍ରମା କରିବୁ ଶାନ୍ତାକାର ଅନନ୍ତ ଶୟନ ଅଭୟ ଚରଣ ସେବାରେ ଉଲ୍ଲସିତ ବସୁଧା ହୃଦୟ ପଦ୍ମରେ ଗାୟତ୍ରୀ କରୁଥିବୁ ଗାୟନ

ଚର୍ମ ନୟନକୁ ବ୍ରହ୍ମ ଚତୃର୍ଦ୍ଧା ଚକାଆଖି

ଚର୍ମ ନୟନକୁ ବ୍ରହ୍ମ ଚତୃର୍ଦ୍ଧା ଚକାଆଖି ଯୋଗ ନିଦ୍ରାକୁ ସ୍ବପ୍ନରେ ବ୍ରହ୍ମ ଗୋବିନ୍ଦ ଭକ୍ତ ଜୟଦେବଙ୍କୁ ବ୍ରହ୍ମ ଗୀତଗୋବିନ୍ଦ ଅଚିନ୍ତ୍ୟ ଅରୂପ ବ୍ରହ୍ମ ଶ୍ରୀରାଧା ବ୍ରହ୍ମାନନ୍ଦ

ଗୋବିନ୍ଦ ଆସନ୍ତି ଗୁରୁ ରୂପରେ

ଗୋବିନ୍ଦ ଆସନ୍ତି ଗୁରୁ ରୂପରେ ବତାଇ ଦେବାକୁ ଅନ୍ଧାରେ ବାଟ ମାତା ପିତା କୃଷ୍ଣ ଅଖିଳ ସୃଷ୍ଟିର ଚିକିତ୍ସା କରନ୍ତି ଲାଗିଲେ ଚୋଟ

ହେ ମୁକୁନ୍ଦ ମାଧବ ଗୋବିନ୍ଦ

ହେ ମୁକୁନ୍ଦ ମାଧବ ଗୋବିନ୍ଦ ପାଦ ପଙ୍କଜେ ଦିଅନ୍ତୁ ଶରଣ ହେ ଜନକ କନ୍ୟା ପତି ରାମ ଜାହ୍ନବୀ ଧାର ସମ୍ଭୁତ ଚରଣ

କାଳାତୀତ ଦ୍ଵନ୍ଦାତିତ ଗଗନ ସଦୃଶ

କାଳାତୀତ ଦ୍ଵନ୍ଦାତିତ ଗଗନ ସଦୃଶ ନାରାୟଣ ଗୋବିନ୍ଦ ରାମ ଅବତାର ଅଶରଣ ଶରଣ ବିଭୁ ଅଭୟ ଚରଣ ଆର୍ତ୍ତ ଜନ ଆକୁଳକୁ ତକ୍ଷଣ ଉତ୍ତର

କମଳା ହୃଦୟ ପଦ୍ମ କେଶର ଭ୍ରମର

କମଳା ହୃଦୟ ପଦ୍ମ କେଶର ଭ୍ରମର ଭକତ ହୃଦୟ ମନ୍ଦାର ନିତ୍ୟ ବନ୍ଦନ ଆରତ୍ତ ହୃଦୟ ଆଶଙ୍କା ଵିମୋଚନ ଅଖିଳ ହୃଦୟ ମନ୍ଦିର ପତିତପାବନ

ମଲ୍ଲି ଫୁଲ ଆଞ୍ଜୁଳେ ଛନ୍ଦା ପାଦରେ ଦେବି ବୋଲି

ମଲ୍ଲି ଫୁଲ ଆଞ୍ଜୁଳେ ଛନ୍ଦା ପାଦରେ ଦେବି ବୋଲି ସନ୍ଧ୍ୟା ସକାଳରେ ସେବା କଲି ଚୈତ୍ର ମଲ୍ଲି ମୂଳକୁ ବୈଶାଖ ମହା ରୌଦ୍ର ତାପରେ ସନ୍ତାପିତ ପରାଣ ବ୍ରହ୍ମଦାରୁ ମହାବାହୁ ଡାକନ୍ତ ଥରୁଟେ ଛାୟା ତଳକୁ

କାମ କ୍ରୋଧ ଲୋଭ ହିଂସା କପଟ ଅସୂୟା

କାମ କ୍ରୋଧ ଲୋଭ ହିଂସା କପଟ ଅସୂୟା ମନର ପରମ ଶତ୍ରୁ ଏହି ଛଅ ଜଣ ପଡିଶା ତଥାପି ଭରଷା ରଖିଛି ଭବୁ ପାରି ହୋଇବି ଜଗନ୍ନାଥ ମୋର ଇଷ୍ଟ ଘର ମୋର ଓଡିଶା

ଗୋପାଳ କୃଷ୍ଣ ଶ୍ରୀରାଧା କୃଷ୍ଣ ଯଶୋଦା କୃଷ୍ଣ ସନ୍ଦୁର

ଗୋପାଳ କୃଷ୍ଣ ଶ୍ରୀରାଧା କୃଷ୍ଣ ଯଶୋଦା କୃଷ୍ଣ ସନ୍ଦୁର ମଧୁର ଦେବକୀ ଜୀବନ ରୁକ୍ମଣୀ ହୃଦୟ ସୀତା ରାମ ଶ୍ରୀଗୀତଗୋବିନ୍ଦ ଲେଖନୀ ଅର୍ଜୁନ ପ୍ରାଣ ସଖା ଶ୍ରୀକୃଷ୍ଣ ହରେ କୃଷ୍ଣ ହରେ ରାମ ନିତାଇ ଗୌର ରାଧେ ଶ୍ୟାମ

ହରେ କୃଷ୍ଣ ହରେ ରାମ

ହରେ କୃଷ୍ଣ ହରେ ରାମ ତୁଣ୍ଡରେ ଦେଲେ ସୁଧା ବାଳ ଗୋପାଳ ନୃତ୍ୟନ୍ତି କଣେଇ ଚାହାଁନ୍ତି ରାଧା

ଅଧାଗଢା ବୋଲି ମନ କାହାକୁ କହୁଛି

ଅଧାଗଢା ବୋଲି ମନ କାହାକୁ କହୁଛି ସେହି ପରା ମଧୁର ରାଧା ଚିତ୍ତ ଚୋର ବାଇଶି ପାହଚରୁ ଓଲ୍ହାଇ ଆସୁ ଅଛନ୍ତି ଭାଗ୍ୟ ଥିଲେ ପୁର୍ଣ୍ୟ ଥିଲେ ଧର ଧର

ଚକ୍ର ଆକାରରେ ଘୁରୁଛି ସକଳ ଜୀବ ଜୀବନ

ଚକ୍ର ଆକାରରେ ଘୁରୁଛି ସକଳ ଜୀବ ଜୀବନ କୃଷ୍ଣ ଛନ୍ଦା ପାଦ ଛୁଇଁବାକୁ ଉଛୁଳେ ଯୌବନ ବ୍ରହ୍ମଦାରୁ ମହାବାହୁ ଛାୟା ଆତ୍ମା ଅନନ୍ତ ଶୟନ ଗଳଗଣ୍ଡିଠାରେ ଆତ୍ମହରା ସାଲବେଗ ଯବନ

ଶ୍ରୀକାନ୍ତ ଶ୍ରୀଧର ଶ୍ରୀପତି ଶ୍ରୀରାମ ଶ୍ରୀକୃଷ୍ନ

ଶ୍ରୀକାନ୍ତ ଶ୍ରୀଧର ଶ୍ରୀପତି ଶ୍ରୀରାମ ଶ୍ରୀକୃଷ୍ନ ଗରୁଡ ବାହାନ ଶଙ୍କର ଯୋଗ ବ୍ରହ୍ମା ବନ୍ଦ୍ୟ ଶଙ୍କର୍ଷଣ ଅନୁଜ ସୁଭଦ୍ରା ପ୍ରିୟ ସହୋଦର ମୁକୁନ୍ଦ ମାଧବ ଗୋବିନ୍ଦ ବଂଶିଧର ଅନିନ୍ଦ୍ୟ

ଜୀବ ପରମକୁ ଝୁରିଲେ

ଜୀବ ପରମକୁ ଝୁରିଲେ ପରମ କି ଝୁରେ ଜୀବକୁ କୃଷ୍ଣ ତୁମ୍ଭେ କରୁଣାନିଧି ଘେନିବ ମନର ଭାବକୁ

ବ୍ରହ୍ମଦାରୁ ଚତୃର୍ଦ୍ଧା ବିଗ୍ରହ ଶାନ୍ତି ନିକେତନ

ବ୍ରହ୍ମଦାରୁ ଚତୃର୍ଦ୍ଧା ବିଗ୍ରହ ଶାନ୍ତି ନିକେତନ ପରବ୍ରହ୍ମ ତ୍ରିଭୁଜ ରାମ ଲକ୍ଷ୍ମଣ ସୀତା ସୁଧା ମୁହିଁ ମହା ପାତକୀ ଛନ୍ଦାପାଦରେ ଶରଣ ହେ ଚକାଡୋଳା ହର ସକଳ ଭଵ ବାଧା

କୃଷ୍ଣ ଛନ୍ଦା ଚରଣ କମଳ ଭେଟିବା ଆଶା ରଖ

କୃଷ୍ଣ ଛନ୍ଦା ଚରଣ କମଳ ଭେଟିବା ଆଶା ରଖ ମନ ଭ୍ରମରା ଯମଦ୍ୱାରରେ ନ ହୁଅ ଗୁଣୁ ଗୁଣୁ କର୍ଣ୍ଣକୁ ଡ଼େରିଥା ମାହନ ବଂଶୀ ମଧୁର ଧ୍ୱନୀକୁ ମେଣ୍ଟିବ ତୋ ଚିର ତୃଷା ଲଭିଲେ ବ୍ରହ୍ମ ରେଣୁ

ସୁଖ ଦିଅ ଅବା ଦୁଃଖ ଦିଅ

ସୁଖ ଦିଅ ଅବା ଦୁଃଖ ଦିଅ ସଦା ରହିଥାଅ ମୋ ପାଖ ରାଧା କୃଷ୍ଣ ଆମର ଯୋଡି ବ୍ରହ୍ମାନନ୍ଦ ତୋ କଳା ମୁଖ

ଶ୍ରୀଜଗନ୍ନାଥଙ୍କର ମହାଭକ୍ତ ଶ୍ରୀଜୟଦେବ ସ୍ୱାମୀ

ଶ୍ରୀଜଗନ୍ନାଥଙ୍କର ମହାଭକ୍ତ ଶ୍ରୀଜୟଦେବ ସ୍ୱାମୀ ଶ୍ରୀଗୀତଗୋବିନ୍ଦ ନିବେଦନ ଅସୀମ ପୟୋନିଧି ପଦ୍ମାବତୀ ରାନ୍ଧି ଭୁଞ୍ଜାଇଲେ ଶ୍ରୀରାଧା ଚିତ୍ତ ଚୋର ଶୁଣି ଆତ୍ମା ଚକାଡୋଳାରେ ବୁଡିଗଲା ନିରବଧି

ବ୍ରାହ୍ମଣରେ ଦୀର୍ଘ ଇକାର ଦେଲେ ବ୍ରାହ୍ମଣୀ

ବ୍ରାହ୍ମଣରେ ଦୀର୍ଘ ଇକାର ଦେଲେ ବ୍ରାହ୍ମଣୀ ହସ୍ତରେ ବଂଶୀ ଦେଲେ ମାଧବ ବେଣୁପାଣି ଅକାର ଉକାର ମକାର ଯୋଡ଼ିଲେ ଓଁକାର ମହାବିଷ୍ଣ ହୃଦ ଲକ୍ଷ୍ମୀ ହେଲେ ବିଲ୍ୱ ବରଣୀ

ପରବ୍ରହ୍ମ ପରମାତ୍ମା ବେଣୁ ମାଧବ

ପରବ୍ରହ୍ମ ପରମାତ୍ମା ବେଣୁ ମାଧବ ପତିତପାବନ ନିମନ୍ତେ ଦାରୁବ୍ରହ୍ମ ଗରୁଡ ପୃଷ୍ଠରୁ ଦର୍ଶନ ପୟୋନିଧି ସୁଦର୍ଶନ ରାମ ସୁଭଦ୍ରା ବଳରାମ

ଶ୍ରୀକ୍ଷେତ୍ର ନୀଳକନ୍ଦର ଚନ୍ଦନ ଅର୍ଗଳୀ

ଶ୍ରୀକ୍ଷେତ୍ର ନୀଳକନ୍ଦର ଚନ୍ଦନ ଅର୍ଗଳୀ ରତ୍ନ ବେଦିରେ ଗରୁଡ ପୃଷ୍ଠରୁ ଚତୃର୍ଦ୍ଧା ବଡଦାଣ୍ଡ ଶରଧା ବାଲି ବାଇଶି ପାବଛ ପ୍ରଭାତ ସ୍ମରଣ ହରେ ସବୁ ଭଵ ବାଧା

ବୈଷ୍ଣବ ଦୁଆର ଦେଇ ଗଲେ

ବୈଷ୍ଣବ ଦୁଆର ଦେଇ ଗଲେ ହରି ହରି ଧ୍ୱନିରେ ପୁରେ କର୍ଣ୍ଣ ହୃଦୟ କମଳ ଉଲ୍ଲାସିତ ହୁଏ କେଶରରେ ଛନ୍ଦା ପାଦ ଧ୍ୟାନ

ନିସ୍ୱାଶଠାରୁ ଆହୁରି ହେଲୁ ନିକଟ

ନିସ୍ୱାଶଠାରୁ ଆହୁରି ହେଲୁ ନିକଟ ଶ୍ରୀପତି ଆଉ କିବା କରୁଛ କପଟ ଛନ୍ଦା ପାଦରେ ଦେଇ ପ୍ରାଣ ରଖ ଉପେକ୍ଷା ନ କର ହେ ନନ୍ଦ ଚାଟ

ଗୋବିନ୍ଦ ଥୋଇଥିଲେ ତୋ ଚରଣ ପଙ୍କଜ ଶିରରେ

ଗୋବିନ୍ଦ ଥୋଇଥିଲେ ତୋ ଚରଣ ପଙ୍କଜ ଶିରରେ ଶ୍ରୀରାମ ସେବିଥିଲେ ଲକ୍ଷେ କମଳ ଦେଇଣ ଚରଣ ସଦାଶିବ ଥୋଇଥିଲେ ତୋ କମଳା ଚରଣ ବକ୍ଷରେ ଭକ୍ତ ବତ୍ସଳା ଅଖିଳ ବ୍ରହ୍ମାଣ୍ଡ ଜନନୀ ପଶିଲି ଶରଣ

ନାରାୟଣ ପ୍ରାଣପ୍ରିୟା ଅଖିଳ ଜନନୀ କମଳା

ନାରାୟଣ ପ୍ରାଣପ୍ରିୟା ଅଖିଳ ଜନନୀ କମଳା ଗଳାର ମାଳା କୋଟିଏ ସୂର୍ଯ୍ୟ କୋଟିଏ ଶଶୀ ଗୋବିନ୍ଦ ଛନ୍ଦା ପାଦକୁ ଥରେ ଛୁଇଁଥାନ୍ତି ମାଆ ଅଧାଗଢା ଠକିଲେ ଆଖି ଲୁହରେ ଯାଏ ଭାସି

ଅଭୟ ଛନ୍ଦା ଚରଣରେ ମନ ରଖିଛି

ଅଭୟ ଛନ୍ଦା ଚରଣରେ ମନ ରଖିଛି ହେ ବ୍ରହ୍ମଦାରୁ ବୁଝୁଥିବୁ ମନର ବ୍ୟଥା ଅଶରଣ ଶରଣ ହେ ଆଉ କିଏ ଅଛି ଅକର୍ମା ଦାନୀ ବୁଝିବ ଏ ଦୁଃଖି କଥା

ଗୋଟିଏ ଡାଳ ହେଲେ ଫୁଲ ଫଳ

ଗୋଟିଏ ଡାଳ ହେଲେ ଫୁଲ ଫଳ ତତୋଧିକ ଡାଳ ହେଲେ ଘଞ୍ଚ ଛାୟା ଗୋଟିଏ ବ୍ରହ୍ମଦାରୁ ଅଖିଳ ପରିବ୍ୟାପ୍ତ ଅଭୟ କମଳ ଚରଣ ସେବେ ମାୟା

କମଳା ହୃଦୟରେ ତୁମ୍ଭେ ଶୋଇଛ

କମଳା ହୃଦୟରେ ତୁମ୍ଭେ ଶୋଇଛ ମୋ ମନ ଭ୍ରମର ଅଖିଳ ଭ୍ରମିଲାଣି ଗରୁଡ ପୃଷ୍ଠରୁ କମଳା ନୟନ କୃଷ୍ଣ ବୈଷ୍ଣବ ହୃଦୟରେ ମୁରଲୀ ପାଣି

ହରି ନାମ ଧରିଲେ ସର୍ବାଙ୍ଗ ଅମୃତ

ହରି ନାମ ଧରିଲେ ସର୍ବାଙ୍ଗ ଅମୃତ କୃଷ୍ଣ ରୂପ ଚିନ୍ତାକଲେ ଆତ୍ମା ବିମୁକ୍ତ ଅଧାଗଢା ଛନ୍ଦା କମଳ ଚରଣ ସୁଧା ଚୁମି ମାନସ ଭଅଁର ସଦା ଉଲ୍ଲାସିତ

ନିଶ୍ୱାସ ମୋ ନନ୍ଦୀଘୋଷ

ନିଶ୍ୱାସ ମୋ ନନ୍ଦୀଘୋଷ ବିଶ୍ୱାସ ମୋ ଚକାଡୋଳା ଅମ୍ଳଜାନ ସକଳ ଜୀବନ ଅଣୁ ଗୋଟି ଦୁଇ ମଣ୍ଡୁଳା

ସୂକ୍ଷ୍ମରେ ଚିନ୍ତିଲେ ତୁମ୍ଭଙ୍କୁ ଅଲେଖ ନିର୍ଗୁଣ

ସୂକ୍ଷ୍ମରେ ଚିନ୍ତିଲେ ତୁମ୍ଭଙ୍କୁ ଅଲେଖ ନିର୍ଗୁଣ ମୋର ସ୍ଥୁଳ ଚିନ୍ତାକୁ ଅଧାଗଢା ଦାରୁବ୍ରହ୍ମ ଲୀଳାମୃତ ସ୍ମରଣ କଲେ ଦଶ ଅବତାର ନାମାମୃତ ସ୍ମରଣ କଲେ ଗୋବିନ୍ଦ ରାମ

କଳା ଜହ୍ନକୁ ଚାହାଁନା ଲୋ ମନ ଶାରୀ

କଳା ଜହ୍ନକୁ ଚାହାଁନା ଲୋ ମନ ଶାରୀ ଆଲୋ ତୋ ପିଣ୍ଡୁ ପରାଣ ଘେନି ଯିବ ଗୋପରେ ଗୋପୀମାନେ ଝୁରି ମଲେ ମନା ମାନ ତାର ସଙ୍ଗେ ଲଗାନା ଭାବ

ହେ ଗୋପାଳ କୃଷ୍ଣ ହରେ କୃଷ୍ଣ

ହେ ଗୋପାଳ କୃଷ୍ଣ ହରେ କୃଷ୍ଣ କାହିଁ ନ ପାଇଲି ତୁମ୍ଭର ଭେଟ ମର୍ତ୍ତ୍ୟ ଯାତ୍ରା ହୋଇଲା ବିଫଳ ସରି ଆସିଲାଣି ସଂସାର ହାଟ

ଦୁର୍ଲଭ ନର ଜନ୍ମ ପାଇ ନ ଭେଟିଲି ଗୋବିନ୍ଦଙ୍କୁ

ଦୁର୍ଲଭ ନର ଜନ୍ମ ପାଇ ନ ଭେଟିଲି ଗୋବିନ୍ଦଙ୍କୁ ହେ ଚକାଡୋଳା ମୋ ଦୁର୍ଲଭ ଜୀବନ ବେକାର ଜୀବନ କହିଲେ ଆହାର ନିଦ୍ରା ମୈଥୁନ ପ୍ରବୃତି ହେ ଅଧାଗଢା ଆଖି ନ ଦେଖିଲା ପାଦ ଆକାର

ଆସନ୍ତି ଯାଆନ୍ତି ଅନେକ ଲୋକ

ଆସନ୍ତି ଯାଆନ୍ତି ଅନେକ ଲୋକ ହେ କୃଷ୍ଣ ତୁମେ ଦିନେ ଆସନା ମୁହିଁ ତୁମକୁ କେତେ ଚିନ୍ତା କରେ କୁଳବୁଡ଼ା ନ ବୁଝ ହୃଦ ଯାତନା

କୀର୍ତ୍ତନ ମଣ୍ଡପରେ ତୋତେ ଭେଟିବା କଷ୍ଟ

କୀର୍ତ୍ତନ ମଣ୍ଡପରେ ତୋତେ ଭେଟିବା କଷ୍ଟ ବାଳ କୃଷ୍ଣତ ଉନ୍ମତ ପରି ନାଚିବାରେ ବ୍ୟସ୍ତ ନିରୋଳାରେ ଥରେ ଦର୍ଶନ ଦେଇଦିଅ ହରି ଆଉ ନିରାଶ କରନା ଛନ୍ଦା ପାଦେ ଅଛି ପଡି

ହରିନାମ ସଂକୀର୍ତ୍ତନରେ କି ଲାଭ ଅଛି

ହରିନାମ ସଂକୀର୍ତ୍ତନରେ କି ଲାଭ ଅଛି ବିଶ୍ୱକୁ ପାଇଲେ ମୁଁ ଅବଶ୍ୟ ଜଣେଇବି ଏବେ ତ କେବଳ ଅଧିବାସ କଳସ ବୁଡ଼ା ହେ ହରିନାମର ମହିମା କି ଶୁଣେଇବି

କୀର୍ତ୍ତନ ମଣ୍ଡପରେ ତୋତେ ଭେଟିବା କଷ୍ଟ

କୀର୍ତ୍ତନ ମଣ୍ଡପରେ ତୋତେ ଭେଟିବା କଷ୍ଟ ବାଳ କୃଷ୍ଣତ ଉନ୍ମତ ପରି ନାଚିବାରେ ବ୍ୟସ୍ତ ନିରୋଳାରେ ଥରେ ଦର୍ଶନ ଦେଇଦିଅ ହରି ନିରାଶ କରନା ଦେଖ ସୂର୍ଯ୍ୟ ହେଉଛି ଅସ୍ତ

ତୁମ୍ଭ ଛନ୍ଦା ଚରଣକୁ ଅନୁସରି ହେ ଚକାଡୋଳା

ତୁମ୍ଭ ଛନ୍ଦା ଚରଣକୁ ଅନୁସରି ହେ ଚକାଡୋଳା ହେ ଅପଲକ ଦେଖୁନ କେମିତି ଗଲିଣି ମୁଁ ଝଡି ତୁମ୍ଭ ହୃଦୟରେ ସଦା ମା କମଳା ହେ ବ୍ରହ୍ମଦାରୁ ହେ କରୁଣା ସିନ୍ଧୁ ଥରେ ଦର୍ଶନ ଦିଅ ଏକ ଘଡି

ନାରାୟଣ ନାରାୟଣ ନାରାୟଣ ବାସୁଦେବ

ନାରାୟଣ ନାରାୟଣ ନାରାୟଣ ବାସୁଦେବ ମହାବାହୁ ନିମନ୍ତ୍ରଣ ରହିଲା ଆରତି ବେଳକୁ ହରେ କୃଷ୍ଣ ହରେ ରାମ ରୁକ୍ମଣୀ ପ୍ରାଣ ବାୟୁ ହେ ଅଶରଣ ଶରଣ ନିଅ ଛନ୍ଦାପାଦ ତଳକୁ

ଫୁଲ ଗୋଟିଏକୁ ମଧୁମକ୍ଷି ଗୋଟିଏ

ଫୁଲ ଗୋଟିଏକୁ ମଧୁମକ୍ଷି ଗୋଟିଏ ହେ ବ୍ରହ୍ମଦାରୁ ଆଜି ନ ଗୁନ୍ଥିଛି ମାଳା କୃଷ୍ଣ ଗୋଟିଏକୁ ଗୋପିକା ଗୋଟିଏ ଆତ୍ମା ହୋଇ କିମ୍ପା ଏଡ଼େ ଅବହେଳା