ଯାହା କାନରେ ଶୁଣିଲି ମନରେ ଗୁଣିଲି ଚାରି ଚାରି ଧାଡିରେ ଦେଲା ରାମ ଲେଖି ରୁକ୍ମଣୀ କେଶବ ପାପ ଆଖି ଦେଖି ନାହିଁ ଛନ୍ଦା ଚରଣକୁ ସଦା ଝୁରେ ଆତ୍ମା ପକ୍ଷୀ

ବଡ ଭାଇ ଧଳା ମହା ପାବନ ବିଗ୍ରହ ସାନ ଭାଇଟି ହାଣ୍ଡି କଳା ମହା ଶୁନ୍ୟ ଭଉଣୀ ହଳଦୀ ଗୋରା ଶକ୍ତି ସ୍ୱରୂପ ଗରୁଡ଼ ପଛରୁ ଚାହିଁ ନର ଜନ୍ମ ଧନ୍ୟ

ଭାଇକୁ ଲୁଚେଇ ଭଉଣୀ ଆଣିବୁ ଦୁହିଁଙ୍କୁ ଦୁହେଁ ରୋଷ ହାଣ୍ଡି କଳା ରାମ ପଚାରେ ଜନନୀ ଦେବକୀ କାହିଁକି ଶଙ୍କର୍ଷଣ ହୋଇଲେ ଧଳା

ଆଗମ ନିଗମଙ୍କୁ ସମ୍ପୂର୍ଣ୍ଣ ନିରୁତ୍ତର ରହିବା ଦେଖି ରାଧା ନୟନ କଜ୍ଜଳ ବୋଳିଦେଲା ଵୃଦ୍ଧ ବଢ଼େଇ ଗରୁଡ଼ ପଛରୁ କେବଳ ଥରୁଟେ ମାତ୍ର ରାମ ଚାହିଁ ଧ୍ୟାନ ଧାରଣା ସମାଧି ନ ପାରିଲା କେବେ ଆଡେଇ

ବାପରୁ ଫାଳଟିଏ ମାଆରୁ ଆଉ ଫାଳେ ଏହି ଶରୀର ନବଧା ଭକ୍ତି ତୁମ୍ଭେ ସବୁ କୁହ ଆମ୍ଭେ କାହାର ହୋଇବା ସାକ୍ଷ୍ୟାତ ଦକ୍ଷିଣ କାଳିକା ବ୍ରହ୍ମଦାରୁ ଜଗନ୍ନାଥ ଲକ୍ଷ୍ମୀ ହୃଦ ଗରୁଡ ପଛରେ ନିଷ୍କାମ ପ୍ରେମରେ ବାହୁ ଉର୍ଦ୍ଧ୍ୱକୁ ତୋଳିଥିବା

ଜୀବକୁ ଭସାଇ ଅଥଳ ଅକୂଳ ଭଵ ସମୁଦ୍ରରେ କମଳା ହୃଦୟ ହେଲ ବ୍ରହ୍ମଦାରୁ ଅପଲକ କୃପା ଚକାଡୋଳା ଭାବ ସାଗରରେ ରାମ ଭାସିଯାଏ କୃଷ୍ଣ ତୋ ଛନ୍ଦା ପାଦରେ ଥୁଅ ଅଖିଳ ମା ବାପା

ଧନ୍ୟ ଧନ୍ୟ ମହାନ ବୈଷ୍ଣବ ଜୟଦେବ କବି ଧନ୍ୟ ଧନ୍ୟ ଆପଣଙ୍କର ଧର୍ମପତ୍ନୀ ପଦ୍ମାବତୀ ଚିର ଅବିସ୍ମରଣୀୟ କେଶବ ଚରଣେ ଭକତି ଘେନ ମୋ ହୃଦୟ ମନ୍ଦିର ଦୀପାବଳି ଆରତି

ସଂସାର ସମୁଦ୍ର ଅଥଳ ଅକୂଳ ବିଷମ ପଥ ଜୟ ଜଗନ୍ନାଥ ଜୟ ଜଗନ୍ନାଥ ଅଶେଷ ଜୀବ ଯାତ୍ରାକୁ ପଞ୍ଚ ଭୁତ ଶରୀର ନିଷ୍କାମ ସେବା ଫଳ କିଛି ସାଥିରେ ଧରିଥାଅ ମୋ ହୃଦୟ ପାରି କରିଦେବେ ଗୋବିନ୍ଦ ସେତିକି ପାଉଣା ନାଉରୀର

ହୃଦୟ ଚାରି କୋଠରୀ ଅତି ନିର୍ମଳ କରିଅଛି ଆସ ବ୍ରହ୍ମଦାରୁ ଚତୃର୍ଦ୍ଧା ମାଆ ଲକ୍ଷ୍ମୀଙ୍କ ସହିତ ସନ୍ଧ୍ୟା ଆଳତି ଦର୍ଶନ କରି ମୋ ଆତ୍ମା କହୁଛି ଜୀବନ ଆତ୍ମାର ସେବାରେ କରିବ ଅତି ବାହିତ

ଜୀବଟିଏକୁ କୌଣସି ଦୁର୍ଗତିରେ ଦେଖିଲେ କିଏ ସେ କହେ ଉହୁ ଆଉ କିଏ କହେ ଆହା ହେଉ ସେ ଜଳନ୍ତା ଅଗ୍ନି ଅଥବା ଉଛୁଳା ନଦୀ ଡେଇଁ ପଡନ୍ତି ବାପ ମାଆ ଏମିତି କୃଷ୍ଣ ଦୟା 🙏🙏🙏

ସଂସାର ବହି ଯାଉଅଛି ଭୋଗ ପଥରେ ଜୀବ କୋକେଇ ବାନ୍ଧୁଛି ଶଶ୍ମାନ ଗାଢ଼କୁ ଉଦାସୀ ଆତ୍ମା ଚାହିଁଛି ନୀଳଚକ୍ର ନେତକୁ କେବେ ଫେରିବ ବ୍ରହ୍ମଦାରୁ ବାହୁ ନୀଡ଼କୁ

ମଲା ଗଲା ଶରୀର ଯଦିବା ଜିଇଁ ଉଠିବ କେବଳ କୃପା ହେଲେ ଅର୍ଜୁନଙ୍କର ସଖା କାଠ ପଥର ମୂର୍ତ୍ତି କି ମୋ ଗୁହାରି ଶୁଣିବ ଚକାଡୋଳା ତୁମ୍ଭେ କର ମୋତେ ରକ୍ଷା

ଅଷ୍ଟ ସିଦ୍ଧି ନବ ନିଧି ପ୍ରଦାତା ହେ ଶ୍ରୀରାମ ଦୂତ ହାତ ଧରି ସୀତା ପତି ଚରଣରେ ମୋତେ ଥୁଅ ଇନ୍ଦ୍ରିୟ ବିକାର ଅଳ୍ପ ବୁଦ୍ଧି କ୍ଷୀଣ ସ୍ମୃତି ମୁହିଁ ଦୀନ ପିଣ୍ଡେ ପ୍ରାଣଥିବା ଯାଏ ମୋ ପାଖେ ପାଖେ ଥାଅ

ବ୍ରହ୍ମଦାରୁ ମହାବାହୁ ଭାବର ବଡ଼ ଦିଅଁ ଶୁଦ୍ର ରାମ ମହା ପାତକୀ ଅଭାବୀ ଜନ କମଳା ହୃଦୟ ଅଧାଗଢା ଚକାଡୋଳା ଛନ୍ଦା ଚରଣରେ ରହୁ ମୋ ଆତ୍ମା ମନ

ଅନାଥ ଜୀବର ଜୀବନ ଜୀବିକା ନିଷ୍କାମ ପ୍ରେମର କୃଷ୍ଣର ରାଧିକା ଛେଉଣ୍ଡ ରାମ ଚାରି ଦଉଡ଼ି ଛିଡା ଚକାଆଖି ନଜର ରଖିବ ଅଧିକା

ଶରୀର ରଥରେ ନିର୍ଭର ଆତ୍ମା କନିଆଁ ଇନ୍ଦ୍ରିୟ ବିକାର ଗୋଳ ଭାରି ଛାନିଆ ସ୍ୱତ୍ତ୍ୱ ବୁଦ୍ଧି କାନ୍ଦେ ଫେରିଯିବ ବୈକୁଣ୍ଠ ରଜ ତମ ବେନି ଅଶ୍ୱ ବଡ଼ ଅମାନିଆ

କୃଷ୍ଣ ନାମ ରାମ ନାମ

କୃଷ୍ଣ ନାମ ରାମ ନାମ ଶ୍ରାବଣ ଅମୃତ ଧାରା ନାମ ବ୍ରହ୍ମ ରସରେ ଭିଜିଲେ ନ ଶୁଖେ ଦେହ ନିଷ୍କାମ ପ୍ରେମ ସାଗରରେ ଭାସିଯାଉ ଥିଲେ ବୈକୁଣ୍ଠକୁ ପଥ କଢାଇବେ ସୂର୍ଯ୍ୟ ଚନ୍ଦ୍ର ମୁହଁ

ଯେଉଁ କମଳ ମଉଳେ ନାହିଁ

ଯେଉଁ କମଳ ମଉଳେ ନାହିଁ ତାକୁ ସେବନ୍ତି ମାଆ କମଳା ସ୍ପର୍ଶ ପାଇଲେ ଅମର ହେବୁ ଛନ୍ଦା ଚରଣ କାଳୀୟ ଦଳା

ରାମ ରାମ କୃଷ୍ଣ କୃଷ୍ଣ

ରାମ ରାମ କୃଷ୍ଣ କୃଷ୍ଣ କୃଷ୍ଣ କୃଷ୍ଣ ରାମ ରାମ ଘଣ୍ଟା ନାଦ କର୍ଣ୍ଣ ସୁଧା ନୟନାମୃତ ଦାରୁବ୍ରହ୍ମ

ନୟନ ସୂର୍ଯ୍ୟ ଶସୀ ଉଜ୍ଜଳ

ନୟନ ସୂର୍ଯ୍ୟ ଶସୀ ଉଜ୍ଜଳ ହୃଦୟ ଜାହ୍ନବୀ ଝର ନିର୍ମଳ ଚରଣରେ ରାମ ମା କମଳା ବଚନ ଗୀତା ଆତ୍ମା ଶୀତଳ