କାମନା କଲେ କାମଧେନୁ

କାମନା କଲେ କାମଧେନୁ ବିରକ୍ତ ହେଲେ ବୈରାଗ୍ୟ ପ୍ରବୃତ୍ତ ହେଲେ ଏ ସଂସାର ନିବୃତ ହେଲେ ଆରୋଗ୍ୟ

କାନ ଖୋଜୁଥାଏ ମଧୁର ସ୍ୱର

କାନ ଖୋଜୁଥାଏ ମଧୁର ସ୍ୱର ସୁନ୍ଦର ରୂପ ଖୋଜୁଥାଏ ଆଖି ଦରିଦ୍ର ବ୍ରାହ୍ମଣ ଖୋଜଇ ଆତ୍ମା ଯିଏ ଏ ଅଖିଳ ଜୀବର ସାକ୍ଷୀ

ମାଠିଆ ନ ପୁରିଲା ଭୂମି ଓଦା ହେଲା

ମାଠିଆ ନ ପୁରିଲା ଭୂମି ଓଦା ହେଲା ମୁଁ ତ କଣା ମାଠିଆରେ ଭରିଲି ଜଳ ଆଶା ନ ମେଣ୍ଟିଲା ବୟସ ସରିଲା ବଡ଼ ଅଭାବି ସଂସାର ହରିଲା ବଳ

ଗୋବିନ୍ଦ ସେବିଣ ପାଇଲି ଗୁରୁ

ଗୋବିନ୍ଦ ସେବିଣ ପାଇଲି ଗୁରୁ ଗୁରୁ ହୃଦୟେ ରୋପିଲେ ଭକତି ଭକତିର ବ୍ରୁକ୍ଷେ ଫଳିଲା ପ୍ରେମ ପ୍ରେମ ସାଗରେ ଲଭିଲି ମୁକତି

ମୃଦଙ୍ଗ କିଣିଲି କରତାଳ କିଣିଲି

ମୃଦଙ୍ଗ କିଣିଲି କରତାଳ କିଣିଲି ସଂକୀର୍ତନ ପାଇଁ କିଣିଲି ମୁଲିଆ ଭାବରେ ମନ ଓଦା ହେବା ଆଗୁ କିଣା କୀର୍ତ୍ତିନିଆ ହେଲେ ହାଲିଆ

ଗୋବିନ୍ଦ ଚିହ୍ନାନ୍ତି ଗୁରୁ

ଗୋବିନ୍ଦ ଚିହ୍ନାନ୍ତି ଗୁରୁ ଗୁରୁ ଦେଖାନ୍ତି ମାର୍ଗ ମାର୍ଗ ହିଁ ନିଶୁଣି ଭକ୍ତି ଭକ୍ତି ସର୍ବ ଅପବର୍ଗ

ଚମ୍ପା ଫୁଟିଲେ ଅଗଣା ଚହଟେ

ଚମ୍ପା ଫୁଟିଲେ ଅଗଣା ଚହଟେ ଚନ୍ଦନ ଲେପିଲେ ବାସେ ଦେହ ଜୀବନ ଲଭିଲେ ସଦଗୁରୁ କୃପା ଛିଣ୍ଡାଇ ପକାଏ ସକଳ ମୋହ