ଅରୁପ ହେଲୁ ସ୍ୱରୂପ

ଅରୁପ ହେଲୁ ସ୍ୱରୂପ ନିର୍ଗୁଣ ହେଲୁ ଗୁଣିଆ ପାଦରେ ଦେଲୁ ସ୍ଥାନ ମୁଁ ପରା ଏକ ଅଳିଆ

ଗୁଣିଆକୁ ଦିଶଇ ସୁନ୍ଦର ଅସୁନ୍ଦର

ଗୁଣିଆକୁ ଦିଶଇ ସୁନ୍ଦର ଅସୁନ୍ଦର ନିର୍ଗୁଣକୁ ଦିଶଇ ସତ୍ୟ ଶିବ ସୁନ୍ଦର ସକଳ ହୃଦୟେ ନିବାସ ବେଣୁ ପାଣି କନିଷ୍ଠ ଆଙ୍ଗୁଠିରେ ଶୋହେ ମନ୍ଦର

ନିର୍ଗୁଣ ଦେବତାକୁ ସଗୁଣ ପୂଜାରୀ

ନିର୍ଗୁଣ ଦେବତାକୁ ସଗୁଣ ପୂଜାରୀ ପ୍ରଭୁ ହେ ମୁଁ ନ ଜାଣେ ଆବାହନ ହୃଦୟ କମଳେ ସୁସ୍ଥିରେ ବସ ହେ ମୁଁ ଅଧମ ନ ଜାଣଇ ଉଦଯାପନ

ବ୍ରହ୍ମ କମଳକୁ ଦେଖି କାଳିଆ

ବ୍ରହ୍ମ କମଳକୁ ଭଅଁର ଚୂମନ୍ତେ ନିଷ୍କାମ ପ୍ରେମରେ ଗଲା ବୁଡି ସୃଷ୍ଟି ଥୟ ହୋଇଲା ମଞ୍ଜିରେ ଫଳଟି ଡେମ୍ଫରୁ ପଡିଲା ଝଡି

ସଭିଁଙ୍କ ଲାଗି ଭୁରି ଭୋଜନ

ମନ ଜାଣି ଭୋଜନ ପରଶୁ ତୁହି ଜନ୍ମ ଆଗୁରୁ ବାଢି ବସୁ ଭୁଞ୍ଜାଇ ନ ପାରିଲି ଥରୁଟେ ଆଖିରେ ମୋ ଭରେ ଆଶୁ

ସଭିଁକୁ ଗଢ଼ିଲୁ ନିଖୁଣ କରି

ସଭିଁକୁ ଗଢ଼ିଲୁ ନିଖୁଣ କରି ତୁ ନିଜକୁ କଲୁ ଅଧା ଗଢ଼ା ସଭିଁକୁ ଖଞ୍ଜିଲୁ ପାଞ୍ଚ ଭୁତ ତୁ ଦିନେ ନ ମାଗିଲୁ ଭଡା

ପଥ ହରା ହେଲେ ସଂସାରେ

ପଥ ହରା ହେଲେ ସଂସାରେ ଅଧିରେ ଗୋବିନ୍ଦ ମାଧବ ଭଜ ସପ୍ତମ ଗର୍ଭରେ ସେ ମହାମାୟା ଅଷ୍ଟମ ଗର୍ଭରେ ସେ ଚର୍ତ୍ତୁଭୂଜ