ଓଁ ନମୋ ନାରାୟଣ ମୋହର ପିତା

ଓଁ ନମୋ ନାରାୟଣ ମୋହର ପିତା ଓଁ ନମୋ ମହାଲକ୍ଷ୍ମୀ ମୋହର ମାତା ମୋର ପ୍ରତି କୋଷରେ ଚକାଡୋଳା ସୋମ୍ୟ ଉଦାର ଅପଲକ ଆଖି ପତା

କୃଷ୍ଣ ଅମଳ ଅବ୍ୟୟ ଅଚ୍ୟୁତ ଅଣାକାର

କୃଷ୍ଣ ଅମଳ ଅବ୍ୟୟ ଅଚ୍ୟୁତ ଅଣାକାର କୃଷ୍ଣ ଅନାଦି ଅନନ୍ତ ଅଲେଖ ସର୍ବାକାର କୃଷ୍ଣ ଅବ୍ୟକ୍ତ ବ୍ୟକ୍ତ ହେଲେ ଅବତାର କୃଷ୍ଣ ଅଧାଗଢା ଦାରୁବ୍ରହ୍ମ ହୃଦୟ ଚୋର

ଜନନୀ ରୂପରେ ପଣତ କାନିରେ ଢାଙ୍କି

ଜନନୀ ରୂପରେ ପଣତ କାନିରେ ଢାଙ୍କି ପାଳୁ ତୁହି ଧରା ହେ ଅନାଥ ବନ୍ଧୁ ଗୋବିନ୍ଦ ଅନ୍ତରେ ତୋ କୃପା ଗରା ଗରା ଜନକ ରୂପରେ ମହାବାହୁ ତୋଳି ବିଶ୍ୱକୁ ଅସୀମ ଅଭୟ ଅପଲକ ଚକ୍ଷୁ ବିଶାଳ ହୃଦରେ ଅଖଣ୍ଡ କୃପା ଭରା ଭରା

ତୋ ଭାବନା ଅଟେ ଆନନ୍ଦ ବଜାର

ତୋ ଭାବନା ଅଟେ ଆନନ୍ଦ ବଜାର ମୋ ସଦା ନିରନ୍ତର ବୁଲିବାକୁ ମନ କି ମୋହନୀ କଲୁ ଭକ୍ତ ଚିତ୍ତ ଚୋର କୈବଲ୍ୟ କିଣିବାକୁ ନିଅଣ୍ଟ ପୂଣ୍ୟ

ବୃଷ୍ଟି ହୋଇ ପାଳ ତୁମ୍ଭେ ତରୁ ତୃଣକୁ

ବୃଷ୍ଟି ହୋଇ ପାଳ ତୁମ୍ଭେ ତରୁ ତୃଣକୁ ଶାଖା ପତ୍ର ପୁଷ୍ପ ଫଳ ଛାୟା ମୋ ପ୍ରାଣ କି ଦେଇ ପୂଜିବି ତୁମ ଚରଣ ଗୋବିନ୍ଦ ଜୀବନେ କେବେ ଶୁଝି ନ ପାରିବି ଋଣ

ଶ୍ରୀଗୋବିନ୍ଦ ଯାହାକୁ କରନ୍ତି

ଶ୍ରୀଗୋବିନ୍ଦ ଯାହାକୁ କରନ୍ତି ଦୟା ତାହାକୁ ନ ଲାଗେ ଏହି ଭବମାୟା ଚିତ୍ତ ସୁସ୍ଥିର ହୁଏ ଛନ୍ଦା ପୟରରେ ବୈଷ୍ଣବ ସଙ୍ଗ ଲାଭେ ତାର କାୟା

ନନ୍ଦୀଘୋଷ ରଥ ଉପରେ ଦେଖ କମଳା ବର

ନନ୍ଦୀଘୋଷ ରଥ ଉପରେ ଦେଖ କମଳା ବର ତାଙ୍କ ପାଶକୁ ଦେବାକୁ ଦିଅନ୍ତିନି ପଣ୍ଡା ଅପାର ବରଷକେ ଥରୁଟେ ଏହି ମହା ଘୋଷ ଯାତରା ଖାଲି ଥରୁଟେ ଛୁଇଁ ଦିଅନ୍ତି ମନ ବଡ ଆତୁର