Sunday, February 1, 2026
ଏହି ଦେହଟି ମୋର ପିତା ଅଧା ମାତା ଅଧା
ଏହି ଦେହଟି ମୋର ପିତା ଅଧା ମାତା ଅଧା
ତୁମ୍ଭେଟି ମୋ ଆତ୍ମା ହେ ବ୍ରହ୍ମଦାରୁ ଅଧାଗଢା
ପିତା ମାତା ଏହି ସଂସାର ଛାଡି ଚାଲି ଗଲେଣି
ହେ ଚକାଡୋଳା ନିଆଶ୍ରିକୁ ଛନ୍ଦା ପାଦ ବଢ଼ା
ଏକ ଆତ୍ମା ସକଳ ଭୂତସ୍ଥ ବିଶ୍ବ ବିଷ୍ଣୁ କୁଟୁମ୍ବ
ଏକ ଆତ୍ମା ସକଳ ଭୂତସ୍ଥ ବିଶ୍ବ ବିଷ୍ଣୁ କୁଟୁମ୍ବ
ଚାରି ବେଦ ମହାମନ୍ତ୍ର ପୁରୁଷ ସୁକ୍ତ କହିଲା
ଏକା ବାସୁଦେବ ବ୍ରହ୍ମଦାରୁ ଚାରିଖଣ୍ଡ ହୋଇ
ଅଧାଗଢା ଚକାଡୋଳା ଜୀଵାତ୍ମା ମୋହିଲା
କ୍ଷୁଦା ତୃଷା ନିଦ୍ରା ମୈଥୁନ ଆଶାରେ ସରି ହେଲି
କ୍ଷୁଦା ତୃଷା ନିଦ୍ରା ମୈଥୁନ ଆଶାରେ ସରି ହେଲି
ହେ ଦୀନବନ୍ଧୁ ନିରନ୍ତର କରୁଛନ୍ତି ନିସ୍ତୁକ ପ୍ରହାର
ଏଗାର ଇନ୍ଦ୍ରିୟ ନବ ଦ୍ୱାର ଷଢ଼ ରିପୁଙ୍କ ଚକ୍ର ବୁହ
ତ୍ରାହି ତ୍ରାହି ତ୍ରାହି ହେ ବ୍ରହ୍ମଦାରୁ ଆତ୍ମାବନ୍ଧୁ ମୋର
ନାରାୟଣ ଜନକ ମହାଲକ୍ଷ୍ମୀ ଜନନୀ
ନାରାୟଣ ଜନକ ମହାଲକ୍ଷ୍ମୀ ଜନନୀ
କଳା ଭ୍ରମର କମଳ କେଶର ରେଣୁ
ମଥୁରାରେ ଜନ୍ମି ଗୋପରେ ବଢିଲେ
ରାଧା ପ୍ରକୃତି ହୃଦାନନ୍ଦ ଅଧର ବେଣୁ
ସକଳ ଅବତାର ତୁମ୍ଭରି ସଙ୍କଳ୍ପ
ସକଳ ଅବତାର ତୁମ୍ଭରି ସଙ୍କଳ୍ପ
ଚନ୍ଦ୍ର ସୂର୍ଯ୍ୟ ନୟନ ଚକାଡୋଳା
ବ୍ରହ୍ମଦାରୁ ମହାବାହୁ ତୁମ୍ଭେ କୃଷ୍ଣ
ବ୍ରହ୍ମା ବିଷ୍ଣୁ ଶିବ ଧର୍ମ ପୂଣ୍ୟ ଖଳା
ଓଁ ନମୋ ନାରାୟଣ ଶଙ୍ଖ
ଓଁ ନମୋ ନାରାୟଣ ଶଙ୍ଖ ଚକ୍ର ହସ୍ତ
ଓଁ ବ୍ରହ୍ମଦାରୁ ଅଧାଗଢା ଚକାଡୋଳା
ଓଁ ନମୋ ନାରାୟଣ ଗଦା ପଦ୍ମ ହସ୍ତ
ଓଁ ଚତୃଭୁଜ ମହାବାହୁ ପାବନ ଅଳା
Subscribe to:
Posts (Atom)