ମଙ୍ଗଳ କରୁଣା ପାବନ ଅଳା

ମଙ୍ଗଳ କରୁଣା ପାବନ ଅଳା ବେନି ବ୍ରହ୍ମଦାରୁ ଚକାଡୋଳା ଗରୁଡ ପଛରୁ ଚାହାଁ ଚାହାଁ ମନରେ ଜଗନ୍ନାଥ କାଳିଦଳା

ଶାରୀ ଲୋ ସେ ଚକାଡୋଳାଙ୍କୁ ଚାହିଁବାକୁ କହନା

ଶାରୀ ଲୋ ସେ ଚକାଡୋଳାଙ୍କୁ ଚାହିଁବାକୁ କହନା ଶୁଆ ଲୋ ବ୍ରହ୍ମଦାରୁଙ୍କର ଦାଢ୍ୟତା ଭକ୍ତି ଗାଅନା ସହସ୍ରଦଳ କମଳ ପାଖୁଡା ଖୋଲି ବାସ ଚହଟେ ମନ ଭ୍ରମର ଛନ୍ଦା ଚରଣ ଛାଡି କେଣେ ଯାଏନା

ପ୍ରତ୍ୟେକ ଜୀଵର ହୃଦୟ ଶ୍ରୀମନ୍ଦିର

ପ୍ରତ୍ୟେକ ଜୀଵର ହୃଦୟ ଶ୍ରୀମନ୍ଦିର ରତ୍ନ ସିଂହାସନରେ ଦାରୁବ୍ରହ୍ମ ଚତୃର୍ଦ୍ଧା ସତ୍ୟ ଧର୍ମ ଅହିଂସା ପ୍ରେମ କ୍ଷମା ପଦ୍ମ ଗୁନ୍ଥି ପିନ୍ଧାଇଲେ ଖଣ୍ଡେ ଭଵ ବାଧା

ଆହାଃ ନୀଳକନ୍ଦର ହାତୀ କେଡେ

ଆହାଃ ନୀଳକନ୍ଦର ହାତୀ କେଡେ ସୁନ୍ଦର ଝୁଲୁଅଛି ବଡଦାଣ୍ଡ ଉଛୁଳି ପଡୁଛି ହରି ବୋଲ ହୁଳୁହୁଳିରେ ଦୋହଲୁଛି ଟାହିଆ ଦୁଲୁକୁଛି ବଡଦାଣ୍ଡ ଭକ୍ତ ହୃଦୟ ଆହାଃ କି ଭାଗ୍ୟ ପତିତ ଦେଖେ ଆତ୍ମା ଡୋଳାରେ

କଳା ଶାରୀ ଲୋ କାହିଁ ଗଲେ ଭକତ ରଙ୍କା

କଳା ଶାରୀ ଲୋ କାହିଁ ଗଲେ ଭକତ ରଙ୍କା ଶ୍ରୀରାଧାରାଣୀ ହୃଦୟ ଚୋର ମୁରଲୀ ଫୁଙ୍କା ବେଳ ଆସି ବୁଡ଼ିଲା କେତେବେଳେ ଆସିବେ ଅନେଇ ଅନେଇ ଅଣ୍ଟା ପିଠି ହେଲାଣି ବଙ୍କା

ଦିଅଁ କହିଲେ ଅଧାଗଢା ଚକାଡୋଳା

ଦିଅଁ କହିଲେ ଅଧାଗଢା ଚକାଡୋଳା ଦୁଇଟି କାହିଁ ରହିଲେ ଆହେ ଆତ୍ମା କୃଷ୍ଣ ଛନ୍ଦା ଚରଣ ଦାରୁବ୍ରହ୍ମ ଜଗନ୍ନାଥ ଶ୍ରୀପୁରୁଷୋତ୍ତମ ଶୁଣିଥିଲି ବାଇଶିପାହାଚ ଓହ୍ଲାଇ ଆସିକି ଦେଲ ପ୍ରମାଣ

ଯେଉଁଠି ହୁଏ ସଦା ନିରନ୍ତର ହରି ନାମ ସଙ୍କୀର୍ତ୍ତନ

ଯେଉଁଠି ହୁଏ ସଦା ନିରନ୍ତର ହରି ନାମ ସଙ୍କୀର୍ତ୍ତନ ବିନତା ସୁତ ପାରିଥାଏ ଗୋବିନ୍ଦଙ୍କ ବସିବା ଆସନ ସେଇଠି ହୁଏ ସଦା ନିରନ୍ତର ଶାନ୍ତି ପ୍ରେମ ବିରାଜ ସତ୍ୟ ଧର୍ମ ଅହିଂସା କ୍ଷମାଙ୍କର ଚାଲିଥାଏ ସୁସାଶନ