ତାଙ୍କୁ ଚାହାଁନା ଚାହାଁନା

ତାଙ୍କୁ ଚାହାଁନା ଚାହାଁନା ତାଙ୍କୁ ଚାହାଁନା ଲୋ ମିତଣୀ ଚକାଡୋଳା ସୂର୍ଯ୍ୟ ଶଶୀ ଅପଲକରେ ଅଛି ମହନୀ ଚକ୍ଷୁ ଦେଇ ପଶିବ କର୍ଣ୍ଣରେ ଭାସିବ ହୃଦରେ ବସିବ ଆତ୍ମା ହରା ହୋଇ କାନ୍ଦିଥିବୁ ବାହୁନି ବାହୁନି ବାହୁନି

ମୋ ହାତ ଧରି ଭିଡ଼ ଭିଡ ହେ ଦରଦୀ ଚକାଡୋଳା

ମୋ ହାତ ଧରି ଭିଡ଼ ଭିଡ ହେ ଦରଦୀ ଚକାଡୋଳା ମାୟା ମୋତେ ଆହୁରି ଭିତରକୁ ନିଏ ଟାଣି ଟାଣିକି ଯାହା ଘରଣୀ ସ୍ୱୟଂ ଶ୍ରୀକ୍ଷେତ୍ର ମହାରାଣୀ କମଳା ବଡ ତ୍ରୁଟି ହେଲା କିବା ଆତ୍ମା ସମର୍ପି ବେଣୁ ପାଣିକି

ପୁଷ୍ପ ସମାନ ଏଡ଼େ ବଡ

ପୁଷ୍ପ ସମାନ ଏଡ଼େ ବଡ ସୌଭାଗ୍ୟ ହେବ କିବା ମୋର ସର୍ବଦା ବ୍ରହ୍ମଦାରୁ ଶ୍ରୀଜଗନ୍ନାଥଙ୍କ ଶ୍ରୀଅଙ୍ଗରେ ଲାଗିଥାନ୍ତି ନୃତ୍ୟରତ କାଳୀୟ ଦଳନ ଛନ୍ଦାପାଦରେ ପାଦ ମିଳାଇ ଭକ୍ତ ଜୟଦେବଙ୍କ ଅଷ୍ଟପଦୀର ଛନ୍ଦେ ଛନ୍ଦେ ଝୁଲୁଥାନ୍ତି

ଭସା ବାଦଲ ଘୋଡାଇ ପକାଏ ଜହ୍ନକୁ

ଭସା ବାଦଲ ଘୋଡାଇ ପକାଏ ଜହ୍ନକୁ ଆତ୍ମାକୁ ଘୋଡାଇ ପକାଏ ମାୟା ମୋହ ପବନ ଉଡାଇ ନିଅଇ ବାଦଲ ଭେଳାକୁ ଚକାଡୋଳା କୃପା ନେତ୍ରେ ଥରେ ଚାହଁ

କପଟୀ ଚକାଡୋଳା ହେ କି ଭାବ ତୁମେ

କପଟୀ ଚକାଡୋଳା ହେ କି ଭାବ ତୁମେ ମୁଁହି କି ଦ୍ୱାପର ଯୁଗ ଶ୍ରୀରାଧା ବାୟାଣୀ ଚିତ୍ତ ବିତ୍ତ ଚୋରି କରି ଛାଡ଼ିକି ଚାଲିଯିବ ଛନ୍ଦାପାଦ ନ ଛାଡ଼ିବି ହେ ମୁରଲୀ ପାଣି

ଚକ୍ଷୁ ଥାଇ ଦୁହେଁ ଅଜ୍ଞାନ ଅନ୍ଧ ଶୈଶବ ବାଳକ

ଚକ୍ଷୁ ଥାଇ ଦୁହେଁ ଅଜ୍ଞାନ ଅନ୍ଧ ଶୈଶବ ବାଳକ କିଶୋର କିଶୋରୀ ବିଭୋର ସଙ୍ଗୀ ମେଳରେ ଯୁବକ ବିବେକ ଶୁନ୍ୟ ଦେଖିଣ କାମିନୀ କାଞ୍ଚନ ଅଲୋଡ଼ା ବୃଦ୍ଧକାଳକୁ ଚିନ୍ତେ ଚକାଡ଼ୋଳାରେ

ଅସୀମ ଯୋନିରେ ଜନମି ମୋ ତୃଷା ନ ମେଣ୍ଟିଲା

ଅଶେଷ ଯୋନିରେ ଜନ୍ମି ମୋ ତୃଷା ନ ମେଣ୍ଟିଲା ହେ ଜଗନ୍ନାଥ ହେ ବ୍ରହ୍ମଦାରୁ ଚକାଡୋଳା ମୁହିଁ ଦୁର୍ଲଭ ନର ଦେହକୁ ଧରିଅଛି କିଞ୍ଚିତ ଦର୍ଶନ ଦେବା ଉଚିତ୍ତ ହେବ ହେ କମଳା ହୃଦ ଗୋବିନ୍ଦ ଏନ୍ତୁଡ଼ିଶାଳରୁ ଛନ୍ଦା ଚରଣେ ଲୋଟିବାକୁ ବଡ ଆଶା ବାନ୍ଧିଅଛି