ଅରୂପୀ ବହୁରୂପୀ ନିରାକାର ସର୍ବାକର ମୋ ପ୍ରାଣ

ଅରୂପୀ ବହୁରୂପୀ ନିରାକାର ସର୍ବାକର ମୋ ପ୍ରାଣ ଶ୍ରୀଜଗନ୍ନାଥ ଅଚିନ୍ତ୍ୟ ଚିନ୍ତାମଣୀ ସନ୍ୟାସୀ ସଂସାରୀ ଶାଳଗ୍ରାମ ସାର୍ଵଭୋମ ଦୁବ ଘାସ ବ୍ରହ୍ମଦାରୁ ଆତ୍ମା ନିର୍ବିକାର ରସ ରାଜ ଉଦାସୀ ହୃଦ ଚୋର ଵାଂଶରି

ଚକାଡୋଳାଙ୍କୁ ଦର୍ଶନ କରି

ଚକାଡୋଳାଙ୍କୁ ଦର୍ଶନ କରି ମୋ ସକଳ ମାନସିକ ପୂର୍ଣ୍ଣ ଆତ୍ମା କାନ୍ଦେ ହେ ଅଧାଗଢା ତୋ ଛନ୍ଦା ଚରଣରେ ରଖ ଦୁର୍ଲଭ ମନୁଷ୍ୟ ଜନ୍ମ ଅବଧି ପତିତ ରାମର ସରି ଯାଉଛି ସଦା ନୟନ ପଥରେ ରୁହ ଲକ୍ଷ୍ମୀ ହୃଦୟ କଳା ଶ୍ରୀମୁଖ

ଆତ୍ମା ଲୁଚାଇ ଦେଲ

ଆତ୍ମା ଲୁଚାଇ ଦେଲ ଅସ୍ଥି ଚର୍ମ ଶରୀରରେ ଶରୀର ତତ୍ତ୍ୱ ବିଷୟେ ଅତି ମୋ କ୍ଷୀଣ ଜ୍ଞାନ ରୋଗୀସେବା କରୁ କରୁ ମୋ କାଳ ସରିଲା ସର୍ବ ବ୍ୟାଧି ଚିକିତ୍ସକଙ୍କ ନ ପାଇଲି ଦରଶନ

ଇନ୍ଦ୍ରିୟମାନଙ୍କ ଜଞ୍ଜାଳ ବହୁତ

ଇନ୍ଦ୍ରିୟମାନଙ୍କ ଜଞ୍ଜାଳ ବହୁତ ଅସରନ୍ତି ସମାଧାନ କରିବାକୁ କରିବୁ ନାହିଁ ଚେଷ୍ଟା ଚକାଡୋଳାଙ୍କର ପାଦକୁ ଛୁଇଁବା ସହଜ କେବଳ ନାମ ସ୍ମରଣେ ସଫଳ ପ୍ରଚେଷ୍ଟା

ତୋ ଦେହ ଏତେ ଘନ କଳା ହେ କୃଷ୍ଣ

ତୋ ଦେହ ଏତେ ଘନ କଳା ହେ କୃଷ୍ଣ ଅଜ୍ଞାନେ ଅନ୍ଧାରରେ ନ ପାଇଲି ଖୋଜି ଅତି ତୃଷାର୍ତ୍ତ କ୍ଷୁଦାର୍ତ୍ତ ଶିଶୁ ଭଳି ଆତୁର ଅଧାଗଢା ବାହୁଭିଡ଼କୁ ନିଅ ହେ ଆଉଜି

ସକଳ ଅସାର ଚିଜରୁ ତୋର ଚିତ୍ତକୁ ନିବାରି

ସକଳ ଅସାର ଚିଜରୁ ତୋର ଚିତ୍ତକୁ ନିବାରି ଜଗନ୍ନାଥ ଅଧାଗଢା ଅଭୟ ଚରଣରେ ରଖ ଅଖିଳ ବିଶ୍ୱ ଯାହା ବାହୁ ଆଲିଙ୍ଗନରେ ସନ୍ତୁଷ୍ଠ କମଳା ହୃଦ ପିତା ମାତା ସ୍ନେହଁ ପୁଣ୍ଡରୀକାକ୍ଷ

ଅନେକରେ ତୁହି କେବଳ

ଅନେକରେ ତୁହି କେବଳ ଏକ ହେ ଲକ୍ଷ୍ମୀ ପତି ଗୋବିନ୍ଦ ଅମୃତଠାରୁ ଆହୁରି ଵେଶୀ ମଧୁର ତୋର ଅଶେଷ ନାମ ଯାହାକୁ ଯାଚି ଦେଇଅଛୁ ତୋର ଅଭୟ ଚରଣରେ ବାସ ସେହି ମହାନୁଭବୀ ଗାଇବ କେଡେ ଦୟାଳୁ କୃଷ୍ଣ ରାମ