ମନ ବୁଦ୍ଧି ମୋର ଅର୍ଜୁନ ସଖାଙ୍କୁ ଭେଟିବେ ତିଳ ପରିମାଣ ହେଉ ନାହିଁ ମୋର ବିଶ୍ୱାସ ସତେ କିଵା ମୋ ଶିର ଛନ୍ଦା ଚରଣ ଛୁଇଁବ ପିଣ୍ଡରେ ପ୍ରାଣ ଥାଉ ଆତ୍ମା ଲଭିବ ଉଶ୍ୱାସ

ଯାହା ଅକ୍ଷର ଲେଖେ ତାହା ମନର ଭାବ ମନର ଭାବ ଯାହା ଲେଖେ ତାହା ସଙ୍ଗୀତ ସଙ୍ଗୀତର ଭାବ ଜୁଆରରେ ଭାସି ଯାଉଛି ବନମାଳୀଙ୍କୁ ଭେଟିବା ସ୍ୱପ୍ନ ହେବ କି ସତ

ଅଷ୍ଟାଙ୍ଗ ଯୋଗର ଆଠ

ଅଷ୍ଟାଙ୍ଗ ଯୋଗର ଆଠ ପାହାଚ ଧ୍ୟାନ ଧାରଣା ସମାଧୀ ନାରାୟଣ ବାସୁଦେବ ବ୍ରହ୍ମଦାରୁ ଚକାଡୋଳା ଜଗନ୍ନାଥ ବଡଦାଣ୍ଡ ଶରଧା ବାଲିରେ ଗଡୁଥିବି ଗୁଣ୍ଡୁଚି ମୂଷା ଭଳି ଅତି ଦୟାଳୁ ଲକ୍ଷ୍ମୀ ହୃଦୟ ନିଶ୍ଚୟ ଶିରେ ରଖିବେ ହସ୍ତ

ବିକାର ଇନ୍ଦ୍ରିୟମାନଙ୍କ

ବିକାର ଇନ୍ଦ୍ରିୟମାନଙ୍କ ବଳ ହଟିଲା ବେଳକୁ ଶରୀର ପରିପୂର୍ଣ୍ଣ ହୋଇଲା ଜରା ବ୍ୟାଧିରେ ହୃଦୟ ମୋର ଅଶେଷ ପାତକରେ ଭରପୁର କେଉଁଠି ପୂଜିବି ଛନ୍ଦା ଚରଣ କଳାନିଧିରେ

ଥରୁଟିଏ ଭେଟିଥିଲି

ଥରୁଟିଏ ଭେଟିଥିଲି ସୁଖ ପସରା ବନମାଳୀ ବଂଶୀ ଅଧର ଅଭୟ ଛନ୍ଦା ଚରଣକୁ ଲୁହରେ ପଖାଳି ନ ପାରିଲା ପତିତ ଅଠର ନଳାରୁ ନୀଳଚକ୍ରରେ ପତିତପାବନ ପତକା ଦର୍ଶନ ବାଇଶି ପାହାଚ ଧୂଳି ଶିର ସ୍ପର୍ଶ ଆତ୍ମା ଝୁରେ ପୂଣ୍ୟ ଅତୀତ

ଗୋଟିଏ ବିଲ୍ୱ ପତ୍ରରେ

ଗୋଟିଏ ବିଲ୍ୱ ପତ୍ରରେ ଉଲ୍ଲାସିତ ପୁଲକିତ ରୋମାଞ୍ଚିତ ସୃଷ୍ଟିର କର୍ତ୍ତା ବ୍ରହ୍ମା ପାଳକ ବିଷ୍ଣୁ ମହାନ ପ୍ରଳୟ ଶଙ୍କର ସେହି ଅଛିଦ୍ର ବିଲ୍ୱପତ୍ର ଗୋଟି ମହାବିଷ୍ଣୁଙ୍କ ସହଧର୍ମିଣୀ ଅର୍ଦ୍ଧ ମାତ୍ରା ତିନି ନେତ୍ରା ଦଶ ମହାବିଦ୍ୟା ଆଦ୍ୟ ଓଁକାର

ଅତି ସୁମନୋହର

ଅତି ସୁମନୋହର ଅତି ସୁବାସିତ ଆଜାନୁ ଲମ୍ବିତ ପୁଷ୍ପ ମାଳା ବ୍ରାହ୍ମ ମୁହୂର୍ତ୍ତରେ ଗୁନ୍ଥି ସମର୍ପିଲି ସଞ୍ଜ ବେଳକୁ ହେଲା ଅଳିଆ ପ୍ରତ୍ୟେକ କର୍ମକୁ ପୁଷ୍ପାଞ୍ଜଳି ମଣି ନିଷ୍କାମ ପ୍ରେମରେ ସମର୍ପିଲି ଗୃହାଣ ମମ ଇଷ୍ଟ ବଳଭଦ୍ର ସୁଭଦ୍ରା ନବ ଘନ କୃଷ୍ଣ କାଳିଆ