Monday, November 2, 2026
ତୁହି ମୋହର କିଏରେ
ତୁହି ମୋହର କିଏରେ ଦାରୁବ୍ରହ୍ମ ଅପଲକ
ମଧୁରାଧର ଅମୃତ ବଚନରେ ଥରେ କହ
ଚର୍ମ ଚକ୍ଷୁରେ ଦେଖିବାଠାରୁ ଆତ୍ମା ଅଥୟ
ଚକ୍ରରାଜ ସୁଦର୍ଶନରେ ଛେଦି ପକା ମୋହ
ସକଳ ଭୂତରେ ତୁହି କୃଷ୍ଣ
ସକଳ ଭୂତରେ ତୁହି କୃଷ୍ଣ ହେ ଏକ ଆତ୍ମା
ତୁହି ହେ କୃଷ୍ଣ ପିତା ମାତା ହୃଦୟ ମମତା
ବ୍ରହ୍ମଦାରୁ ସୂର୍ଯ୍ୟ ଚନ୍ଦ୍ର ଅପଲକ ତୁହି କୃଷ୍ଣ
ସନାତନ ସାରଥୀ ତୁହି କୃଷ୍ଣ ହେ ସମତା
ନୀଳକନ୍ଦର ଚନ୍ଦନ ଅର୍ଗଳୀକୁ
ନୀଳକନ୍ଦର ଚନ୍ଦନ ଅର୍ଗଳୀକୁ ଉଡ଼ିଯା ମୋ ଆତ୍ମା ଶାରୀ
ନୀଳକନ୍ଦରରେ ଉଚ୍ଚରେ ଗାଉଥିବୁ କୃଷ୍ଣ କୃଷ୍ଣ ରାମ ରାମ
ସଦା ଶିରେ କରାଞ୍ଜୁଳି ଗରୁଡ ସର୍ବ ଚକ୍ର ରାଜା ଉଜାଗର
ସପରିବାର ମେଳରେ ପତିତପାବନ ଅପଲକ ଦାରୁବ୍ରହ୍ମ
ନିଷ୍କାମ ପ୍ରେମ ଲଭିଲା
ନିଷ୍କାମ ପ୍ରେମ ଲଭିଲା ତୁମ୍ଭ ମେଘ ବର୍ଣ୍ଣ
ବୈକୁଣ୍ଠରେ ସ୍ଥାନ ପାଇଲେ ନବଧା ଭକ୍ତି
ଗରୁଡ ପଛରେ ଉର୍ଦ୍ଧ୍ୱବାହୁ ଛେଉଣ୍ଡ ରାମ
ଅଧାଗଢା ଛନ୍ଦାପାଦେ ସର୍ବଦା ରହୁ ମତି
ଅଲେଖ ଅରୂପ ଅଚିନ୍ତ୍ୟ
ଅଲେଖ ଅରୂପ ଅଚିନ୍ତ୍ୟ ହୋଇଲେ ମଙ୍ଗଳ ଚତୃର୍ଦ୍ଧା ରୂପ
ସ୍ମରଣ ଚିନ୍ତନ ଦର୍ଶନ କୀର୍ତ୍ତନରେ କଳିରେ ଛାଡଇ ପାପ
ନବଧା ଭକ୍ତିରେ ସଚରାଚର ବ୍ରହ୍ମାଣ୍ଡ ବାନ୍ଧିଛନ୍ତି ଜଗନ୍ନାଥ
ଚରଣ ରଙ୍କା କମଳିନୀ ଶିବ ବ୍ରହ୍ମା ନାମକୁ କରୁଛନ୍ତି ଜପ
Subscribe to:
Posts (Atom)