Tuesday, August 26, 2025
ଶବ ହେବା ଆଗରୁ କୃଷ୍ଣ ଭଜ ମୋର ମନ
ଶବ ହେବା ଆଗରୁ କୃଷ୍ଣ ଭଜ ମୋର ମନ
ଶବ ହେବା ବହୁତ ଆଗରୁ ମନ ଭଜ ରାମ
ରାମ ନାମ ସତ୍ୟ ହେ କୃଷ୍ଣ ନାମ ସତ୍ୟ ହେ
ନିରନ୍ତର ହୃଦ ପଦ୍ମରେ ଧ୍ୟାୟି ଲଭ ଆରାମ
ବୃକ୍ଷ ଡାଳ ସଜାଡ଼ନ୍ତି ଗୋବିନ୍ଦ ମାଲିକ
ବୃକ୍ଷ ଡାଳ ସଜାଡ଼ନ୍ତି ଗୋବିନ୍ଦ ମାଲିକ
ପକ୍ଷୀ କେବଳ ବସା ବାନ୍ଧିକି ସୁଖପାଏ
କେବେ ନ ମାଗନ୍ତି ଗୋବିନ୍ଦ ବୃକ୍ଷ ଭଡା
ଏମନ୍ତ ଦୟାଳୁଙ୍କୁ ହୃଦ ମଧ୍ୟେ ଧାଉଥାଏ
ରୁକ୍ମଣୀ ହୃଦୟରେ ଗୋବିନ୍ଦ ରହିଲେ
ରୁକ୍ମଣୀ ହୃଦୟରେ ଗୋବିନ୍ଦ ରହିଲେ
ଏହି ଅଭାଗା କାହୁଁ ଲଭିବ ଛନ୍ଦା ପାଦ
କରିବେ କି କୃପା ଗୋବିନ୍ଦ ପାଟରାଣୀ
ଏହି ପାପି କର୍ଣ୍ଣକୁ ଶୁଭିବ ବଂଶୀ ନାଦ
ତୁଳସୀ ଦଳରେ ମହାବିଷ୍ଣୁ ସନ୍ତୁଷ୍ଠ
ତୁଳସୀ ଦଳରେ ମହାବିଷ୍ଣୁ ସନ୍ତୁଷ୍ଠ
ବେଲ ପତ୍ରରେ ସନ୍ତୁଷ୍ଠ ମହାଦେବ
ଏହି ଅଖିଳ ବିଶ୍ବ ଦିଶଇ ବିଷ୍ଣୁ ମୟ
ହୃଦୟରେ ବହିଥିଲେ ଆତ୍ମା ଭାବ
ସକଳ କଷ୍ଟ ମୋହର କୃଷ୍ଣ ନେଉ
ସକଳ କଷ୍ଟ ମୋହର କୃଷ୍ଣ ନେଉ
ତାଙ୍କ ଛନ୍ଦା ଚରଣେ ଏ ଚିତ୍ତ ରହୁ
ପ୍ରହଲ୍ଲାଦ ରକ୍ଷଣ ଲକ୍ଷ୍ମୀ ନରସିଂହ
କର ତଳେ ଏ ପାପିର ମଥା ଥାଉ
ସକଳ କଷ୍ଟ ମୋହର କୃଷ୍ଣ ନେଉ
ସକଳ କଷ୍ଟ ମୋହର କୃଷ୍ଣ ନେଉ
ତାଙ୍କ ଛନ୍ଦା ଚରଣେ ଏ ଚିତ୍ତ ଥାଉ
ପ୍ରହଲ୍ଲାଦ ରକ୍ଷଣ ଲକ୍ଷ୍ମୀ ନରସିଂହ
ତାଙ୍କ ଭୁଜତଳ ମୋ ଆଶ୍ରା ହେଉ
Subscribe to:
Posts (Atom)