କୃଷ୍ଣ କୃଷ୍ଣ ହରେ

କୃଷ୍ଣ କୃଷ୍ଣ ହରେ କୃଷ୍ଣ ରୁକ୍ମଣୀ ଗଭା ପାରିଜାତ ସରୋଜ ଵିଲୋଚନ କପି ଧ୍ୱଜ ରଥର ସାରଥୀ ହୃଦୟ କମଳ କେଶରରେ ଚିନ୍ତେ ଭକ୍ତ ଚନ୍ଦନ ଥରୁଟିଏ ଗ୍ରହଣ କର ମୋ ଘରେ ପୂଜା ଆରତୀ

ଚକାଡ଼ୋଳା ସମଦର୍ଶୀ ଅପଲକ ଆଖି

ଚକାଡ଼ୋଳା ସମଦର୍ଶୀ ଅପଲକ ଆଖି କମଳା ହୃଦୟ ପ୍ରେମିକ ଭକତ ଭାଵ ଜଗନ୍ନାଥ ମହାବାହୁ ଅଶରଣ ଶରଣ ଅଧାଗଢା ଚରଣ ଧୂଳି ହେଉ ସୁଲଭ

ସଂସାରର ଦୁଃଖ ସହି

ସଂସାରର ଦୁଃଖ ସହି ପାରିଲ ନାହିଁ ବୋଲି ଚକାଡୋଳା ହେ ତୁମ ଆଖିରେ ନାହିଁ ପଲକ ସଂସାରର ସୁଖତ ମାଗିକି ଆଣିଥିଲା ତିଅଣ ହେ ମହାବାହୁ କୈବଲ୍ୟ ତୁମ କୃପା ଝଲକ

ପଞ୍ଚ ଭୁତ ଦେହ ମୋର ମଲ୍ଲି ମାଳାଟିଏ

ପଞ୍ଚ ଭୁତ ଦେହ ମୋର ମଲ୍ଲି ମାଳାଟିଏ କୃଷ୍ଣଙ୍କ ଗଳାରେ ଲମ୍ବିବାକୁ ହୁଏ ବାଉଳି ଆତ୍ମା ମୋ କଳା ତୁଳସୀ କୃଷ୍ଣ ପ୍ରୀୟସୀ ଭେଟ ହୁଅନ୍ତାନି ପଡିବା ଆଗରୁ ମଉଳି

ଅତିବ ଦୁର୍ଲଭ ନର

ଅତିବ ଦୁର୍ଲଭ ନର କଳେବର ବର ମୁହିଁ ଇଚ୍ଛା କଲି ମୋ କାଳ ସରିଲା କେବଳ ପଦ ଅର୍ଥ କାମ ଚିନ୍ତନେ ଇନ୍ଦ୍ରିୟ ବିକାର ସାହିରେ ଚାରି ତଳ ପ୍ରାସାଦ ଗଢ଼ିଲି ଭୋଗ ବିଳାସରେ ବିସ୍ମୃତ ଫେରିବି ବୈକୁଣ୍ଠ ଭୁବନେ

କୃଷ୍ଣ ରାଧା କମଳ କେଶର ଭଅଁର

କୃଷ୍ଣ ରାଧା କମଳ କେଶର ଭଅଁର କୃଷ୍ଣ ନାରିକେଳ ବୃକ୍ଷ ନୂଆ ଚଅଁର କୃଷ୍ଣ ଚକାଡୋଳା ପ୍ରେମର ସମୁଦ୍ର ମନ ହଂସରେ ଦିବସ ନିଶି ପହଁର

କମଳା ପତି ଉଦାର

କମଳା ପତି ଉଦାର ଗୋବିନ୍ଦ ଯାହାକୁ କରନ୍ତି ଦୟା ପ୍ରାରବ୍ଧ ଧ୍ବଂସ ହୃଦୟ ହୁଏ ନିଷ୍କାମ ପ୍ରେମ ତରୁ ଛାୟା ସେ ତରୁ ଛାୟା ପ୍ରଶାନ୍ତି ନିଳୟ ନୀଳକନ୍ଦର ବୈକୁଣ୍ଠ ଦର୍ଶନ ସ୍ପର୍ଶନ ସମ୍ଭାଷଣ ପାବନ କରେ ପତିତ କାୟା