ସୁଧା ଭରା ସୁଧା ଝରା

ସୁଧା ଭରା ସୁଧା ଝରା ହରି କଥା ରାଧା କଥା ଶ୍ରବଣ ମନନ କୀର୍ତ୍ତନ ଭୁଲାଏ ଭଵର ବ୍ୟଥା

ଅଭୁଲା ଶ୍ରୀଗୁରୁ ସ୍ପର୍ଶ

ଅବୁଝା ଝରଣାର ନାଦ ଅବୁଝା କୋଇଲି ତାନ ଅବୁଝା ଭଅଁର ବୋଲି ଅବୁଝା ବଂଶୀର ସ୍ବନ [୧] ଅଶୁଝା ମାଆର ସ୍ନେହ ଅଶୁଝା ପଡ଼ିଶାର ଭାବ ଅଶୁଝା ପ୍ରକୁତିର ଦାନ ଅଶୁଝା ସଂସାର ନାବ[୨] ଅଶୁଣା ଦେବତା ଭୋଜନ ଅଶୁଣା ବୃକ୍ଷ ଲତା କ୍ରନ୍ଦନ ଅଶୁଣା ପାଖୁଡାର ହସ ଅଶୁଣା ମୂର୍ତ୍ତିର ସ୍ପନ୍ଦନ [୩] ଅଜଣା ନବଜାତ ହସ ଅଜଣା ଆମ ଠିକଣା ଅଜଣା ପ୍ରକୃତି ପାଉଣା ଅଜଣା ବାୟୁ ମାଗଣା [୪] ଅଦେଖା ପ୍ରାଣୀର ଅଦୃଷ୍ଟ ଅଦେଖା ମନର ଭାବନା ଅଦେଖା କାଳିଆର ପାଦ ଅଦେଖା ପୂରଣ ବାସନା [୫] ଅଲେଖା ସୃଷ୍ଟିର ରହସ୍ୟ ଅଲେଖା ଭବିଷ୍ୟ ରେଖା ଅଲେଖା ପ୍ରାଣୀର ଅଦୃଷ୍ଟ ଅଲେଖା କିଏ ଅମୃତ ଚଖା[୬] ଅକୁହା ସବୁ ରାତ୍ରିର ସ୍ବପ୍ନ ଅକୁହା ଶ୍ରଦ୍ଧା ଭକ୍ତିର ମାପ ଅକୁହା ମାୟାର ସ୍ୱରୂପ ଅକୁହା ନିଜର ସବୁ ପାପ [୭] ଅଛପା ସମ୍ପୂର୍ଣ ସତ କଥା ଅଛପା ସତରେ ପ୍ରେମ ଅଛପା ଗଳିଲା ମୁର୍ଦ୍ଦାର ଅଛପା ଖୋଜିଲେ ଯମ [୮] ଅଲିଭା କରିବା କର୍ମ ଅଲିଭା ଅତୀତ ସ୍ମୃତି ଅଲିଭା ଜହ୍ନର ଦାଗ ଅଲିଭା ଆତ୍ମା ଜ୍ୟୋତି [୯] ଅଭୁଲା ପ୍ରଥମ ପ୍ରେମ ଅଭୁଲା ନିସ୍ଵାର୍ଥ ସେବା ଅଭୁଲା ଶ୍ରୀଗୁରୁ ସ୍ପର୍ଶ ଅଭୁଲା ଗୁରୁଙ୍କ ଦେବା [୧୦]

ସ୍ୱଚ୍ଛ ଭାରତ

ଅଖିଳ ସଂସାର ଏକ ଖୋଲା ମଞ୍ଚ ବାୟୁ ଜଳ ଆକାଶ ଅଗ୍ନି ଭୂମି ଶୁଦ୍ଧ ଦେହ ମନ ବଚନ ଶୁଦ୍ଧ କରୁ କରୁ ରାଜା ଗୌତ୍ତମ ହୋଇଗଲେ ବୁଦ୍ଧ

ନବଜାତ କିମ୍ପାଇ ମୃଦ୍ୟୁ ମୃଦ୍ୟୁ ହସେ

ନବଜାତ କିମ୍ପାଇ ମୃଦ୍ୟୁ ମୃଦ୍ୟୁ ହସେ ଜୀବ ବାର ବାର କେଉଁଠୁ ଆସିଥାଏ କାଳିଆ କେତେବେଳେ ପତା ବୁଜେ ଜୀବ ମଲା ପରେ କେଉଁଠିକି ଯାଏ

ଅବୁଝା ଝରଣାର କୁଳୁ କୁଳୁ ନାଦ

ଅବୁଝା ଝରଣାର କୁଳୁ କୁଳୁ ନାଦ ଅବୁଝା କୋଇଲି କୁହୁ କୁହୁ ତାନ ଅବୁଝା କଳା ଭଅଁରର ଗୁଣୁ ଗୁଣୁ ଅବୁଝା ବଂଶୀ ମୃଦ୍ୟୁ ମୃଦ୍ୟୁ ସ୍ବନ [୧] ଅଶୁଝା ମାତା ପିତାର ମମତା ଅଶୁଝା ସାହି ପଡ଼ିଶାର ଭାବ ଅଶୁଝା ପାଞ୍ଚ ଭୁତର ଅବଦାନ ଅଶୁଝା ଯେ ଚାଳେ ଭବ ନାବ[୨] ଅଶୁଣା ଦେବତା ଖାଏ ଖିରି ଅଶୁଣା ବୃକ୍ଷ ଲତାର କ୍ରନ୍ଦନ ଅଶୁଣା କଢି କି ଫୁଲର ହସ ଅଶୁଣା ଉଷୁମ ଲାଗେ ବନ୍ଦନ[୩] ଅଜଣା ନବଜାତ କିମ୍ପା ହସେ ଅଜଣା ମୃତ୍ୟୁ ନୁହେଁ ପଥ ବଣା ଅଜଣା ଈଶ୍ୱର ଘର କେଉଁଠି ଅଜଣା ମୋକ୍ଷ ଦ୍ୱାର ଠିକଣା [୪] ଅଦେଖା ପ୍ରାଣୀର ଅଦୃଷ୍ଟ ଅଦେଖା ମନର ଭାବନା ଅଦେଖା କାଳିଆର ପାଦ ଅଦେଖା ପୂରଣ ବାସନା [୫] ଅଲେଖା ସୃଷ୍ଟିର ରହସ୍ୟ ଅଲେଖା ଭାଗ୍ୟର ରେଖା ଅଲେଖା ପ୍ରାଣୀର ଅଦୃଷ୍ଟ ଅଲେଖା କିଏ ଅମୃତ ଚଖା[୬] ଅକୁହା ସବୁ ରାତ୍ରିର ସ୍ବପ୍ନ ଅକୁହା ଶ୍ରଦ୍ଧା ଭକ୍ତିର ମାପ ଅକୁହା ମାୟାର ସ୍ୱରୂପ ଅକୁହା ନିଜର ସବୁ ପାପ [୭] ଅଛପା ସତ୍ୟ ପୂର୍ଣ ଘଟଣା ଅଛପା ଲୁଚା ଛପା ପ୍ରେମ ଅଛପା ଗଳିଲା ମୁର୍ଦ୍ଦାର ଅଛପା ଯାହାକୁ ଖୋଜେ ଯମ[୮]

ପଥର ଦିଅଁକୁ ମନେଇବାକୁ ଯାଇ

ପଥର ଦିଅଁକୁ ମନେଇବାକୁ ଯାଇ ମନ୍ଦିରରେ ପଶିଲି ଓହ୍ଲାଇ ପାଦୁକା ସାଧନାର ପ୍ରଥମ ପାହାଚରେ ଯମ ଆଉ ମୁଁ ଆଗକୁ ବଢି ନାହିଁ ଅଧିକା

ଅସ୍ଥିର କାଳନ୍ଦୀ ହ୍ରଦର ଗଭୀର ଜଳ

ଅସ୍ଥିର କାଳନ୍ଦୀ ହ୍ରଦର ଗଭୀର ଜଳ ଅସ୍ଥିର ଗୋପୀ ଗୋପାଳ ମନ ବୀଣା କାଳୀୟ ଶିରରେ ପଦ୍ମ ପାଦ ନାଚଇ ଅସ୍ଥିର କାଳୀୟ ସମସ୍ତ ସାତ ଫଣା