ଅତି ଆନନ୍ଦରେ ଅଧୀର ପ୍ରତିଟି ପୁଷ୍ପ

ଅତି ଆନନ୍ଦରେ ଅଧୀର ପ୍ରତିଟି ପୁଷ୍ପ ଗୋବିନ୍ଦ ଗଳାରେ ଦେଲେ ବନମାଳ ଆନନ୍ଦରେ ଅଧୀର ମୋହନ ବଂଶୀ ମଧୁର ଅଧରେ ଫୁଙ୍କିଲେ ଆଦିମୂଳ

ଦିନ କେତୁଟାରେ ପାଖୁଡା ଝଡି ପଡେ

ଫୁଲ ପାଖୁଡାର ବୟସ ଦିନ କେତୁଟା ମାସ କେତେ ବୃକ୍ଷରେ ପାଚିଲେ ଫଳ ବୁଢା ଗଛର ବୟସ ବରଷ କେତୁଟା ମନ ତୋ ପାଖେ ରହୁ ହେ ଆଦିମୂଳ

ବେଲ ତୁଳସୀ ମନ୍ଦାର ତିନି ବୃକ୍ଷ

ବେଲ ତୁଳସୀ ମନ୍ଦାର ତିନି ବୃକ୍ଷ ଶୈବ ବୈଷ୍ଣବ ଶାକ୍ତ ତିନିଟି ପଥ ତ୍ୟାଗ ଶ୍ରଦ୍ଧା ଭକ୍ତି ତିନିଟି କଉଡ଼ି ଦେହ ମନ ବଚନ ତିନୋଟି ରଥ

ବାସି ରୁଟିରୁ ଖଣ୍ଡେ ଦେଲି କୁଆକୁ

ବାସି ରୁଟିରୁ ଖଣ୍ଡେ ଦେଲି କୁଆକୁ କେ କହୁ ତା ଆନନ୍ଦର ରାଉ ରାଉ ଧର୍ମ ଅର୍ଥ କାମ ମୋକ୍ଷ ଯଦି ମିଳେ କାଉ ଶ୍ରୀକ୍ଷେତ୍ର ଉଡି ଯିବ କି ଆଉ

ଅଧରରେ ଶୋଭାପାଏ ମୋହନ ବଂଶୀ

ଅଧରରେ ଶୋଭାପାଏ ମୋହନ ବଂଶୀ ଧ୍ୱନିରେ ରାଧାରାଣୀ ସଂସାର ପାଶୋରା ଭୂଜରେ ଶୋଭଇ ଶଙ୍ଖ ଚକ୍ର ଗଦା ପଦ୍ମ ଅବତରିଲେ ଧର୍ମ ପାଏ ପରମ ଆସରା

ତୋହର ବଳ ମୋହନ ବଂଶୀ

ତୋହର ବଳ ମୋହନ ବଂଶୀ ସ୍ଵନ ମନରୁ ନ ହୁଏ ପାଶୋରା ତୋହର ବଳ ବଳିୟାର ଭୁଜ ଛାଇ ମନଟି କରାଇ ଆସରା

ଜନ୍ମାଷ୍ଟମୀ

ଜନ୍ମାଷ୍ଟମୀ ଦେବକୀ ତୋତେ ଗର୍ଭରେ ଧରିଲେ ବସୁଦେବ ତୋତେ ଭରିଲେ ଡଲାରେ ଏ ପତିତ ଲାଗି କିଆଁ ପହଡ଼ ଉଛୁର ପତିତପାବନ ଉଡେ ମନ୍ଦିର ଚୁଡାରେ [୧] ଯଶୋଦା ତୋତେ ଧରିଲେ କୋଳରେ ରାଧିକା ତୋତେ ଭରିଲେ ଗଳାରେ ଏ ପତିତ ଲାଗି କିଆଁ ପହଡ଼ ଉଛୁର ପତିତପାବନ ଉଡେ ମନ୍ଦିର ଚୁଡାରେ[୨] ଅକୃର ତୋତେ ବାହିନେଲା ରଥରେ କପିଧ୍ୱଜରେ ବସିଲ କର୍ତବ୍ୟ ଆଳରେ ଏ ପତିତ ଲାଗି କିଆଁ ପହଡ଼ ଉଛୁର ପତିତପାବନ ଉଡେ ମନ୍ଦିର ଚୁଡାରେ [୩] ଦୀନ ସୁଦାମା ଧରିଲା ଖୁଦର ଭଜାରେ ବାସୁକୀ କାଳୀୟ ଧଇଲା ଶିରରେ ମୋର ଲାଗି କିଆଁ ପହଡ଼ ପଡିଲା ମୁଁ ଜନ୍ମ ହେଲି କେଉଁ ବେଳାରେ[୪] ଦାସ ବଳରାମ ଧରିଲା ବାଲିରେ ଦଇତା ଭରିଲେ ନନ୍ଦୀଘୋଷରେ ଏ ପତିତ ଲାଗି କିଆଁ ପହଡ଼ ଉଛୁର ପତିତପାବନ ଉଡେ ମନ୍ଦିର ଚୁଡାରେ [୫] ଯମୁନା ତୋତେ ଧରିଲା କୂଳରେ କଦମ୍ବ ତୋତେ ଧରିଲା ଡାଳରେ ଏ ପତିତ ଲାଗି କିଆଁ ପହଡ଼ ଉଛୁର ପତିତପାବନ ଉଡେ ମନ୍ଦିର ଚୁଡାରେ[୬] ବଂଶୀ ତୋତେ ସ୍ୱରରେ ଭରିଲା ଯଶୋଦା ତୋତେ ଧରିଲା ସରରେ ଏ ପତିତ ଲାଗି କିଆଁ ପହଡ଼ ଉଛୁର ପତିତପାବନ ଉଡେ ମନ୍ଦିର ଚୁଡାରେ[୭]