କୃଷ୍ଣ କୃଷ୍ଣ କୃଷ୍ଣ କୃଷ୍ଣ

କୃଷ୍ଣ କୃଷ୍ଣ କୃଷ୍ଣ କୃଷ୍ଣ ରାମ ରାମ ରାମ ରାମ ଜପୁଥିଲେ ନିରନ୍ତର ନ ରହନ୍ତି ଲୋଭ କାମ

ଝରି ଆସୁଛି ଗଜାନନଙ୍କ ହସ୍ତରୁ

ଝରି ଆସୁଛି ଗଜାନନଙ୍କ ହସ୍ତରୁ ଏ ଜୀବନ ଏକ ଦିବ୍ୟ ସମାଚାର ଏକ ମନ ଲୟରେ ଆତ୍ମା ଜପୁଛି ହେ ଓଁ ତୁମକୁ ସାଷ୍ଟାଙ୍ଗ ନମସ୍କାର[୦] ଝରି ଆସୁଛି ମହାଦେବଙ୍କ ଜଟାରୁ ଏ ଜୀବନ ଏକ ପବିତ୍ର ଗଙ୍ଗା ଧାର ଏକ ମନ ଲୟରେ ଆତ୍ମା ଜପୁଅଛି ହେ ଶିବ ତୁମେ ମୋର ମୁଁ ତୁମର [୧] ଝରି ଆସୁଛି ଶ୍ରୀଗୋବିନ୍ଦଙ୍କ ଅଧରୁ ଏ ଜୀବନ ଏକ ମଧୁର ବଂଶୀ ସ୍ୱର ଏକ ମନ ଲୟରେ ଆତ୍ମା ଜପୁଅଛି ହରି ହେ ତୁମେ ମୋର ମୁଁ ତୁମର [୨] ଝରି ଆସିଛୁ ଶ୍ରୀଲକ୍ଷ୍ମୀଙ୍କ ହସ୍ତରୁ ଏ ଜୀବନ ଅବଢାର କୋଟି ଭାର ଏକ ମନ ଲୟରେ ଆତ୍ମା ଜପୁଛି ତୁହି ମାଆ ମୁଁ ଅଧମ ପୁଅ ତୋର[୩]

ପାଷାଣରେ ଗଢ଼ା ଦେବ ବନମାଳୀ

ପାଷାଣରେ ଗଢ଼ା ଦେବ ବନମାଳୀ ଚାହିଁଥାନ୍ତି ନିଜ ଆତ୍ମ ପରିଜନ ପରି ଯେଉଁ ଜନ ମଣେ କେବଳ ଆଶ୍ରୟ ନେଇଥାନ୍ତି ନିଜ କନ୍ଧେ ବୋହିକରି

ଓଁ ନମୋ ଭଗବତେ ବାସୁଦେବାୟ

ଓଁ ନମୋ ଭଗବତେ ବାସୁଦେବାୟ ବେକରୁ ଖୋଲି ଦିଅ ମାୟା ଡୋରି ତୁମ୍ଭେ ହରି ଦୁଗ୍ଧଭରା ଗାଈର ଚିର ଏହି ପତିତ ତୃଷିତ କଅଁଳା ବାଛୁରୀ

ଝରି ଆସଇ ଶିବଙ୍କ ଜଟାରୁ

ଝରି ଆସଇ ଶିବଙ୍କ ଜଟାରୁ ଏ ଜୀବନ ଗଙ୍ଗାର ଏକ ଧାର ଜପୁଥିଲେ ଓମ ନମଃ ଶିବାୟ ଏ ଜୀବନ ଲଭଇ ଗଙ୍ଗାଧର [୧] ଝରି ଆସଇ ପଦ୍ମରୁ ସୌରଭ ଏ ଜୀବନ ଏକ ମତ୍ତ ଭଅଁର ଜପୁଥିଲେ ଓଁ ନମୋ ବିଷ୍ଣବେ ଜୀବନ ଲଭେ ଆରତି ଚଅଁର [୨] ଜବାରୁ ଝରି ଆସଇ ନାଲି ଏ ଜୀବନ ଶକ୍ତି ରଙ୍ଗା ପାଦ ଜପୁଥିଲେ ଓଁ ନମୋ ଦୁର୍ଗେ ଏ ଜୀବନ ପାଏ ମୁକ୍ତି ସ୍ୱାଦ[୩] ପନାରୁ ଝରି ଆସଇ କ୍ଷୀର ଏ ଜୀବନ କଅଁଳ ବାଛୁରୀ ଜପୁଥିଲେ ଓଁ ନମୋ କୃଷ୍ଣବେ ଏ ଜୀବନ ହୁଏ ମୁକ୍ତ ପଞ୍ଜୁରୀ [୪] ଝରି ଆସେ ଜ୍ୟୋତି ଦୀପରୁ ଜୀବନ ଏକ ମଙ୍ଗଳ ଆରତି ଜପୁଥିଲେ ଓଁ ନମୋ ଗାୟତ୍ରୀ ଏ ଜୀବନ ଭେଟେ ବିଶ୍ଵପତି[୫]

ଜୀବନର ଚଲା ବାଟ ପାହାଚ ପାହାଚ

ଜୀବନର ଚଲା ବାଟ ପାହାଚ ପାହାଚ ପ୍ରତି ପାହାଚକୁ ଚକା ଡୋଳାର ନଜର ଆସନ ବିଶ୍ରାମ ଶୟନ ସମ୍ପୂର୍ଣ ନିଷେଧ ଚଢିବା ଓହ୍ଲେଇବା ସ୍ୱାଧୀନତା ଯାତ୍ରୀର

କେଉଁଠାରୁ ଆସିଲି ମୁଁ କେଉଁଠାକୁ ଯିବି

କେଉଁଠାରୁ ଆସିଲି ମୁଁ କେଉଁଠାକୁ ଯିବି ହେ ନୀଳ ମାଧବ କିଛି କିଛି ନାହିଁ ଜଣା ପତିତପାବନ ହଲେଇ ପଥ ଦେଖାଇବୁ ହୃଦୟରେ ନାହିଁ ଜ୍ଞ୍ୟାନ ଭକ୍ତି ଏକ ଅଣା