ପ୍ରତି କମଳରେ ହସନ୍ତି କମଳା

ପ୍ରତି କମଳରେ ହସନ୍ତି କମଳା ଶ୍ରୀଗୋବିନ୍ଦ ସଂସାରରେ ପାଦ ପ୍ରତି ହୃଦୟ ହୁଏ ପୂଜା ବେଦୀ ଅସୂୟା ଘୃଣା ଗଣନ୍ତି ପରମାଦ

ନିବାସ କର ମୋହର ଅଣୁ ପରମାଣୁରେ

ନିବାସ କର ମୋହର ଅଣୁ ପରମାଣୁରେ ହେ ଆତ୍ମା ସ୍ୱରୂପ ସଂସାର ସୁଧା ସାଗର କମଳା ସେବିତ ଅମୀୟ ପାଦ ସେବୁଥିବି ହେ ଆଦି ମଧ୍ୟ ଅନ୍ତ ସଖା ରାଧା ନାଗର

ପାଞ୍ଚ ପତି ଅସମର୍ଥ ପାଞ୍ଚାଳୀ ଲଜ୍ୟା ସୁରକ୍ଷାକୁ

ପାଞ୍ଚ ପତି ଅସମର୍ଥ ପାଞ୍ଚାଳୀ ଲଜ୍ୟା ସୁରକ୍ଷାକୁ ଲଜ୍ୟା ରଖିଥିଲ ତୁମ୍ଭେ ଦେଇଣ ଅଶେଷ ବସ୍ତ୍ର ମୋର ବୁଦ୍ଧି ଅସମର୍ଥ ଆଶାର ଫାସ କାଟିବାକୁ କାଟ ପେଶିଣ ମହାବାହୁ ତୁମ୍ଭେ ସୁଦର୍ଶନ ଶସ୍ତ୍ର

ଓଁ ଶ୍ରୀ ସାଇରାମ ହେଉ ଶେଷ ଶବ୍ଦ କଣ୍ଠରୁ

ଓଁ ଶ୍ରୀ ସାଇରାମ ହେଉ ଶେଷ ଶବ୍ଦ କଣ୍ଠରୁ ମହାପାତକ ନାଶନ ସର୍ବଦା ସୁରକ୍ଷା କବଚ ଓଁ ଶ୍ରୀ ସାଇରାମ ହେଉ ପାଦ ମୋ ନିବାସ ଦୀନାର୍ତ୍ତି ଶରଣ ରକ୍ଷଣ ରଖିବ ଏହି ଉଵାଚ

ମୋ ବୋଉକୁ ଛାଡିଣ ଆଉ କାହାକୁ ଜଣା ନାହିଁ

ମୋ ବୋଉକୁ ଛାଡିଣ ଆଉ କାହାକୁ ଜଣା ନାହିଁ ଏ ପାଦ ଦୁଇଟା କେତେ ଶୋରିଷ ତେଲ ପିଅନ୍ତି ବାପାଙ୍କର ରାମକୁ ଦେଖିବା ଆତୁରତା ନିଆରା ଆଖିରେ ଦେଖିଲେ ଶିଶୁଭଳି କୋଳେଇ ନିଅନ୍ତି

"ବୋଉ ବାବାଙ୍କୁ ଭେଟିଲିଯାଇ ବଇତ୍ରଣୀ ବୁକୁରେ ଲାଗୁଥିଲା ଯେମିତି ମୋତେ ଅପେକ୍ଷା କରିଥିଲା ମୋ ବୋଉ ଚାପିଧରିବ ତା ବୁକୁରେ"------Sumati

ସବୁ ଆକାରକୁ ରଙ୍ଗ ବୋଳିବାରେ

ସବୁ ଆକାରକୁ ରଙ୍ଗ ବୋଳିବାରେ ରବି ଶଶୀ ଦିବସ ନିଶି କଲେ ଏକ ଅଧର୍ଯ୍ୟ ଗୁଣ୍ଡିଚା ଦୁଆର ଖୋଲିଲେ ଆତ୍ମା ମୋହକ ଚତୁର୍ଦ୍ଧାଙ୍କର ଭେକ

ଭାଗବତ ଧର୍ମ ଜ୍ଞାନ ଯୋଗ ଭକ୍ତିର ଅମୃତ ଭାଣ୍ଡ

ଭାଗବତ ଧର୍ମ ଜ୍ଞାନ ଯୋଗ ଭକ୍ତିର ଅମୃତ ଭାଣ୍ଡ ଜୀବ ଲାଗି ଧର୍ମ ଅର୍ଥ କାମ ମୋକ୍ଷ ଭୋଜନ ପଙ୍କ୍ତି ଭାଗବତ ଚାରି ଗୋଟି ଅକ୍ଷରର ଅନୁପମ ମିଶ୍ରଣ ଗୋବିନ୍ଦ ଛନ୍ଦା ପାଦରେ ବୃଦ୍ଧିକରେ ଅନନ୍ୟା ଭକ୍ତି