ଯାହା ଲୀଳା ଯେତେ ଶୁଣିଲେ ଯେତେ ମଧୁର

ଯାହା ଲୀଳା ଯେତେ ଶୁଣିଲେ ଯେତେ ମଧୁର ଆଉ ଯେତେ ଜାଣ ଆଉ ଜାଣିବା ରହେ ବାକି ଗରୁଡ ପଛରୁ ଚାହିଁ ଦେଖ ଲୋ ଆତ୍ମା ଶାରୀ ଆଉ ବେଶୀ ଲୋଭରେ ଚାହିଁଅଛି ଚକାଆଖି

ପକ୍ଷୀ ଯେସନ ସନ୍ତୁଷ୍ଠ ଗଗନ କୋଳରେ

ପକ୍ଷୀ ଯେସନ ସନ୍ତୁଷ୍ଠ ଗଗନ କୋଳରେ ଜଳ ଜୀବଜନ୍ତୁ ସନ୍ତୁଷ୍ଠ ଯେସନ ଜଳରେ ହେ ବ୍ରହ୍ମଦାରୁ ଚକାଡୋଳା କମଳା କୃଷ୍ଣ ଜୀବ ଆତ୍ମା ସନ୍ତୁଷ୍ଠ ତୁମ୍ଭ ପାଦ ତଳରେ

ଗୋବିନ୍ଦ ଡାକିଲେ ଜୀବରେ ଯିବୁ ବୈକୁଣ୍ଠ

ଗୋବିନ୍ଦ ଡାକିଲେ ଜୀବରେ ଯିବୁ ବୈକୁଣ୍ଠ ଅଭୟ କମଳ ଚରଣରେ ପାଇବୁ ତୁ ସ୍ଥାନ ମାଆ ମହାଲକ୍ଷ୍ମୀ ଯେବେ ବିଶ୍ରାମ କରିବେ ନାରାୟଣଙ୍କ ଚରଣ ସେବାରେ ଦେବୁ ମନ

ଯେଉଁଠି କର୍ଣ୍ଣରେ ପଡିବ ଶ୍ରୀଗୋବିନ୍ଦ ନାମ ସଙ୍କୀର୍ତ୍ତନ

ଯେଉଁଠି କର୍ଣ୍ଣରେ ପଡିବ ଶ୍ରୀଗୋବିନ୍ଦ ନାମ ସଙ୍କୀର୍ତ୍ତନ ମନ ଥୟ କରି ଦଣ୍ଡେ ବସ କୃଷ୍ଣ ପ୍ରେମ ରସରେ ଭାସ ସେଇଠି ନୃତ୍ୟ ରତ ଯଶୋଦାର ଜୀବନ ରଙ୍କୁଣୀ ଧନ ବଂଶୀ ଧ୍ୱନିକୁ କର୍ଣ୍ଣ ଡେର ଛନ୍ଦା ଚରଣରେ କର ଆଶ

ତୁମ୍ଭେ କେଡେ ଦୟାଳୁ ହେ ଚକାଡୋଳା

ତୁମ୍ଭେ କେଡେ ଦୟାଳୁ ହେ ଚକାଡୋଳା କେବଳ ଅନୁଭବୀ ଭଲ ଭାବେ ଜାଣେ ଭକ୍ତ ତୁମ୍ଭ ଜୀବନ ତୁମ୍ଭେ ଭକ୍ତ ଶରୀର ହେ ଅଧାଗଢା ଆତ୍ମା ରହିଗଲା ଚରଣେ

ବାଟ ବଣା ହୋଇଗଲେ ସଂସାରୀଟିଏ

ବାଟ ବଣା ହୋଇଗଲେ ସଂସାରୀଟିଏ ବାଟ ଦେଖାଉ ଚକାଡୋଳା କଂସାରୀ ମୋର ମନ ରାଧିକା ମାୟା ଜାଲରେ ଛିଡ଼ାଇ ପଳାଇ ଆସୁ ବଜା ବାଂଶରୀ

କାଳେ କେଉଁ ଜୀବଟିଏ ଅଣଦେଖା ହୋଇଯିବ

କାଳେ କେଉଁ ଜୀବଟିଏ ଅଣଦେଖା ହୋଇଯିବ ପତିତପାବନଙ୍କର ଚକାଆଖି ଦୁଇ ସଦା ଖୋଲା କାଳେ କେଉଁ ପାତକୀଟିଏ ମୁକ୍ତିରୁ ବଞ୍ଚିତ ହେବ ବଡ଼ଦାଣ୍ଡେ ସ୍ୱୟଂ ଜଗନ୍ନାଥ ବିଶାଳ ଭୁଜ ମେଲା