ସୂର୍ଯ୍ୟ ଶଶୀ ଚକ୍ଷୁ ଅପଲକ

ସୂର୍ଯ୍ୟ ଶଶୀ ଚକ୍ଷୁ ଅପଲକ ଚକାଡୋଳା ସମ ଦୃଷ୍ଟି ଅଯାଚିତ ଆତ୍ମାଭାବ ସକଳ ଜୀବ ଉପରେ ପଡେ ସକଳ ମାତା ପିତା ସ୍ନେହଁ ଭଣ୍ଡାର କମଳା ହୃଦୟ ଗରୁଡ଼ ପଛରୁ ଭାବ ଯୋଡ଼ିଲେ ଭକ୍ତି ବାରି ଝଡ଼େ

କ୍ଷୀର ଦହି ଛେନା ଲହୁଣୀ ବାଳ

କ୍ଷୀର ଦହି ଛେନା ଲହୁଣୀ ବାଳ ଗୋପାଳଙ୍କ ପରି ଖାଉନ ଏଡ଼େ ପରମ ପାବନ ଉଜ୍ଜଳ କିପରି ଦିଶୁଛ କଳା ମଣିମା ପରମ ଗୁପ୍ତ ବ୍ରହ୍ମବିଦ୍ୟା ଦେଇଥିଲେ ପ୍ରାଣ ସଖା ଅର୍ଜୁନଙ୍କୁ ନିଜ ସ୍ୱରୂପ ଶ୍ରୀମୁଖରେ କହିଲେ ଶୁଣିମା ତରିବା ଗୁଣିମା

ସ୍ରଷ୍ଠା ସୃଷ୍ଟି ପାଳକ ଅପଲକ

ସ୍ରଷ୍ଠା ସୃଷ୍ଟି ପାଳକ ଅପଲକ ଚକାଡୋଳା ଯୋଡିକ ଅନ୍ତରୀକ୍ଷ ବିଶାଳ ହୃଦୟରେ କମଳା ପଣତ ସ୍ନେହଁ ମୋ ଅଜ୍ଞାନ ପାପକୁ ଦେଖି ପାଦ ପାଣି ଲୁଚାଇଲେ ହେ ପରମ ପତିତ ପାବନ କାହାର ହୋଇବି କୁହ

ହେ ଚକାଡୋଳା କୃପା ନେତ୍ରରେ

ହେ ଚକାଡୋଳା କୃପା ନେତ୍ରରେ ଅଖିଳ ବ୍ରହ୍ମାଣ୍ଡକୁ ଚାହିଁଛ ବିଶ୍ୱ ଚିନ୍ତାମଣି ହେ କେବେ ଭାବକି ପାମର କଥା ହୃଦରେ ଗିରିଧର ତୋଳା ମହାବାହୁ ପ୍ରସାରି କାହା ଅପେକ୍ଷା କରିଛ ରାଧା ଚିତ୍ତ ଚୋର ଡାକି ଶରଣ ଦେଵେ କି ଛନ୍ଦା ପାଦରେ

ଯିଏ ଯେତେ ଦେଉ

ଯିଏ ଯେତେ ଦେଉ ଅବା ନେଉ ପଛକେ ଅଧାଗଢା ଛନ୍ଦା ଚରଣ ସ୍ପର୍ଶ ଅତି ନିଆରା ଥରେ ଯେ ଛୁଇଁଛି ସେ ଅତିବ ଭାଗ୍ୟବାନ ଇହ ପର ଉଭୟ କାଳରେ ହୁଏ କୁଆଁରା

ସାହି କି ପଡିଶା କାହା ବାଡ଼ିରେ

ସାହି କି ପଡିଶା କାହା ବାଡ଼ିରେ ଚମ୍ପା ଫୁଟିଲେ ମୋର ବାଡ଼ି ଅଗଣା ବି ସୁଗନ୍ଧ ମହ ମହ ବାସେ ବରୁଣ ଜାମାତା ବ୍ରହ୍ମଦାରୁ କାଳିଆ ମୋ କିଏ କି ଚାରି ଚକ୍ଷୁ ହେଲେ ଆତ୍ମା ସମାନ ମୁରୁକି ହସେ

ଧୋବ ଫର ଫର ବଳଭଦ୍ର ମହାପ୍ରଭୁ

ଧୋବ ଫର ଫର ବଳଭଦ୍ର ମହାପ୍ରଭୁ ହଳଦୀ ଗୁରୁ ଗୁରୁ ଜଗତ୍ଜନନୀ ସୁଭଦ୍ରା କଳା ମଚ ମଚ ଅଖିଳ ବ୍ରହ୍ମାଣ୍ଡ ଠାକୁର ବ୍ରହ୍ମଦାରୁ ଚକାଡୋଳା ପୂର୍ଣ୍ଣାନନ୍ଦ ଉନିଦ୍ରା